Irailak 30ean  Zumaiako Algorri interpretazio zentroa bisitatzera joan ginen. Lehendabizi, bideo bat ikusi genuen eta bertan mundua nola sortu zen, plaka tektonikoak, pangea, flyshak… ikusi ahal izan genituen. Baita ere, aspaldiko fosil desberdinak aztertu genituen, eta flyshak zer ziren azaldu ziguten.

             

Ondoren, indarrak hartu eta Algorrira joan ginen. Bertan dinosauroen garaian erori zen kraterraren hautsaren geruza ikusi genuen eta jarraian flyshak ikustera jaitsi ginen hondartzara. 

Bazkaldu, parkean jolastu, eta berriro Algorri interpretazio zentrora bueltatu ginen. Bertan mineral ezberdinen ezaugarriak ikusi genituen eta bukatzeko, mineralen tailerra egin genuen. Agurtu eta Getariara bueltatu ginen.

Oso ondo pasa genuen eta espero dugu berriro bueltatzea.  

ESKERRIK ASKO!!! 

ARAITZ, INHAR, SAMIR, LARISA eta JOKIN LASA

Irailak 22 osteguna, LH-ko ikasle guztiak Donostiako zinemaldira joan ginen “Terra Willy: Planeta ezezaguna” pelikula ikustera Anoetako belodromoan.    

Goizeko bederatzietan eskolan gelditu ginen denok eta autobusean joan ginen gogotsu pelikula ikustera. Iritsi orduko autobus pila bat ikusi genituen eta eskola askorekin elkartu ginen. Belodromo barrura sartu eta aurkezle bat zegoen hitz egiten, egia esan pixka bat aspertu ginen, baina Pepper robota aurkeztu ziguten, Donostiako unibertsitatean sortua, hor denok alaitu ginen eta gero pelikula ikusi genuen.  

Ondoren, atera eta Belodromo ondoan hamaiketakoa jan genuen. LH1 eta LH2-koak autobus batean sartu ziren eta LH3,4,5 eta 6 beste batean. LH1 eta LH2ko-en autobusa Orion gelditu zen eta hondartza ondoko parke batean bazkaldu zuten, ondoren autobusez itzuli ziren Getariara.

Gure autobusa Zarautzen gelditu zen eta malekoian bazkaldu genuen parke baten ondoan. Guk aldiz Zarautzen bazkaldu genuen eta ondoren oinez  itzuli ginen Getariara. Denok arratsaldeko lauretan Getarian geunden.  

Nahiz eta neka-neka eginda bukatu, ederki pasa genuen egun polit hartan. 

JOKIN TXUEKA, NAHIA, UXUE eta AXEL

 

 

ARRAUNA

Irailak 19 eta 20ean kirol astea tokatu zitzaigun eta asteko ekintza bat arrauna izan zen. Talde handia garenez bi taldetan banatu ginen eta talde bat uretan zegoenean, besteak gimnasioan zeuden. Bi egun horiei esker gelako asko arraunean apuntatu gara. 

 

 

Gimnasioan hainbat ariketa egiten egon ginen: ergometroa, pesak, pilota pisuak… 

 

Uretan, Getariako moilan ibili ginen arraunean. 

   

          Oso ondo pasa genuen arrauna egiten, ERREPIKATU NAHIKO GENUKE !! 

ORKATZ, FIORELLA, SUHAR eta LORE

 

ESKALADA

Irailak 21 eta 23an, Getariako kiroldegian egon ginen bi eskalada saio egiten, hau izan baita egokitu zaigun bigarren kirola. Bi taldetan banatu ginen eta bi ekintza desberdin egin genituen. Talde b at rokodromoan eta bestea kiroldegi kanpoko paretan. 

                                

Rokodromoan, eskaladako jolas batzuk egin genituen adibidez: zapi jolasa eta oso ondo pasa genuen.

                       

Kanpoan, arnesak jarri genituen eta harrizko pareta igo eta jaitsi egin genuen. Eskaladan ibiltzen diren tresnak erakutsi eta azaldu zizkiguten esate baterako: mosketoia, soka, arnesa…  

 Eskalada probatuta ez dutenei, gomendatzen diegu probatzea, oso esperientzia polita izan zelako eta oso gustura ibili ginelako. 

                                

NOA, PAUL, INTZA eta UNAX 

 

 

KAIXO!!!

 Gu LH6-ko ikasleak gara. 2022-2023  urtea, Iturzaeta eskolan azkeneko ikasturtea dugu.  

Aurreko urtetik irakasle asko aldatu dira.

Adibidez gure tutorea, Bego Arrieta, lehenengo hiruhilekorako etorri da eta gero Nagore itzuliko da.

Beste irakasle berri batzuk ere etorri dira, adibidez Nora ingelesekoa edo Jon musikakoa, baita Joana gorputz hezkuntzakoa ere. 

 Dagoeneko gela apaindu dugu. karpetei, pertxei, apalei… izena jarri diegu eta txokoetan banatu dugu gela.  

Dena prest daukagu kurtsoan zehar lan, jolas edo dena-delakoa egiteko.  

ESPERO KURTSO HONETAN BESTEETAN BEZAIN ONDO PASATZEA!!! 

                     

                               LUR ETA ANER!!!