Konpostaren proiektua eskolan aurrera eramaten laguntzen digute ZISarekoek. Aurrekoan, konpostarekin hasi baino lehen, formakuntza saio bana egin genuen bi geletan.
Oraingoan laborategi saio oso interesgarriak izan ditugu. Hain zuzen, konpostaren deskonposizioan parte hartzen duten organismoak aztertu ditugu, bereziki animaliatxo ornogabeak.
Beraz, oso abersagarria izan da gelan lantzen ari ginen proiektua – IZAKI BIZIDUNAK- osatzeko ere.
Gu egiten ari garen konposta baino prozesu luzeagoko emaitza ekarri ziguten, bizidun txikiak bilatu eta apartatzeko handik. Gero aztertu, sailkatu, mikroskopioan ikusiz…gustura aritu ginen eta asko ikasi genuen!
Beste hau berriz, gure konpostontzikoa da, bai desberdina, ezta? Jangelako hondakinak prestatzen dizkigu Irantzuk, eta oraindik ere hor ikusten dira zatiak osorik.
