… amaitu da!
Egokitzapen egunak atzean utzi eta poliki poliki moldatu gara Eskola, irakasle eta ikaskide berrietara. Emozioz betetako urtea izan da. Jolasa izan da nagusi gure gelan eta konturatu gabe ikasturtea pasa zaigu. Orain, opor egun hauetan, etxekoez gozatzeko prest gaude!
Datorren ikasturterarte
Eguraldia lagun, ur festa antolatu dugu gure Eskolan.
A ze gozamena gurea!
Bota ura, bota ura, eh! eh!
Gaur Juneren amatxo, Maider, etorri da ipuina kontatzera.
Mila esker, Maider!
Eguraldi ederra ikusi eta Eskolatik irtetea bururatu zaigu. Sokari heldu eta ataritik ikusi ohi dugun zelaira joan gara, jolastera. Makilak bildu, aldapan gora eta behera ibili, txindurriekin jolastu… eta igerilekua ikusi dugu! Ate bila jardun dugu, nondik sartu, baina ez dugu aurkitu, ea hurrengoan!
Eskolara buelta gogorra izan da, nekatuta, aldapa gora… baina iritsi gara! Hurrengoan berriz!
Izarren aitatxo, Iñigo, gelan izan da Landerrekin batera goizean goiz ipuina kontatzen. Nola dastatu ilargia? kontatu digu; asko gustatu zaigu! Eta ondoren urtaroen gaineko beste ipuin bat ikusteko eta entzuteko aukera ere izan dugu. Eskerrik asko!
Gaur, Ekiren aitatxo etorri da gelara eta txokolatezko bonboiak egin ditugu denon artean: biribildu, probatu, koloretako pinportetan murgildu, beste pixka bat probatu, uuummmm ze goxoak! Zorrotxoak ere ekarri ditu, egindako bonboiak etxekoei eramateko. On egin denoi! Eskerrik asko, Iñigo, hurrengo batean berriz!!!!
Aurten “Birsortu” izeneko proiektuan sartu da gure Eskola.
Birsortu proiektua sormenean eta berrerabilitako objektuen ikerketan zentratutako proiektu kultural, pedagogiko eta jasangarria da.
Proiektu honek hainbat enpresetatik jasotzen diren hondakinak eskolen eskura jartzen ditu, haurrek esperimentatu, manipulatu eta beste erabilpen bat eman diezaieten.
Hona hemen gure gelakoak gresite plakak eskura dituztela.
