2020-2021

ESKULTURAK EGITEN


Tailer honetan eskulturak egin ditugu, baina horretarako ibili dugun materiala ere gelan sortu dugu.

  1. Lehendabizi egunkari orriak zatitu eta bakoitzak bere kubetetan sartu ditugu.
  2. Ondoren, ura gehitu dugu egunkari zatiak biguntzeko. Ondo-ondo nahastu dugu dena pasta moduko bat lortzeko.
  3. Papera ondo bigundu dugunean, dena kubo handi batera bota dugu, kola txuria gehitu eta nahastu egin dugu.
  4. Sortu dugun pasta honekin eskulturak egin ditugu.                                                                                                 
  5. Gure eskultura guztiak lehortu direnean, tenperarekin margotu ditugu.                                                           

Uncategorized

GURE JATORRIA


Gure gelako bi laguntxo errumaniara joan dira aiton-amonei bisita egitera.

Non dago ordea errumania? Nola joaten da bertara? Beste jatorri bateko gurasoak ba ote daude gure gelan?

Zenbat galdera sortu diren bat-batean.

  • Hauei erantzuteko, mapa bat zer det ikasiko dugu. Munduko mapa handi bat egin dugu proiektorearekin eta ondoren guztia margotu dugu.
  • Behin mapa eginda, horman itsatsi eta gelako jatorri ezberdinak kokatu ditugu bertan.
  • Munduko mapa zer den ikasi dugu, baina mundua borobila ez al da?
  • Errumaniara joan diren bi ikasleei gutun bat bidaltzea ere bururatu zaigu. Gutuna idatzi, sobrean sartu eta zigilua jarri diogu. Ondoren postontzian sartu dugu eta, gutuna errumaniara nola iritsiko den, postariak kontatu digu.

  • Etxetik mapa ezberdinak ekarri ditugu eta hauek aztertzen aritu gara.
  • Eta noski! Guk ere gure mapak egin ditugu.

 

2020-2021

ZETARRAK DITUGU GELAN!


Gelara zetarrak ekarri dizkigute. Ondo-ondo zainduko ditugu eta ziur asko ikasiko dugula.

  • Jaten eman diegu, masustondoaren hostoak jaten omen dituzte soilik, ze bitxia. Kontuz-kontuz eskuetan ere hartzen ditugu eta oso gertutik behatu.

  • Gela apaintzeko, masustondo bat egin dugu eta hostoak, zetarrak eta tximeletak ipini ditugu bertan.
  • Ikusi dugu masustondoaren hostoak jaten dituztela, baina hori bakarrik jaten al dute benetan? Hori frogatu egin behar genuen.
  • Bi hosto mota ekarri ditugu; bata hozto horzduna (masustondoarena), bestea berriz hozto horzgabea. Kutxaren alde banatan ipini ditugu banan banan. 
  • Zetarrak erdian jarri ditugu, zein hosto mota aukeratuko dute?
  • Azkenean, apurka-apurka masustondoaren hostoen aldera joan dira, beraz baieztatu dugu zetarrak moko-finekoak direla eta masustondoaren hostoak jaten dituztela.

 

2020-2021

-ARGIA-


Gaurko tailerrean zentzumenekin jarraitu dugu, baina oraingoan begietatik jasotzen duguna erreparatuz.

Ikusmena lantzeko argiarekin esperimentatuz, iluntasunaren eta argitasunaren arteko kontrasteak sortu ditugu.

 

  • Linterna ezberdinekin aritu gara.

  • Oihal baten atzean itzalak sortu ditugu.

  • Argi-beltzaren azpian, margo eta plastilina fosforitoekin begiak alaitu zaizkigu.

  • Argi-mahaian erradiografia ezberdinak aztertzeko denbora ere hartu dugu.
  • Eta nola ez! aurpegia apaintzeko margo fosforitoak ere izan ditugu.

 

2020-2021

txokolARTEA


Gaurko tailerrean zentzumen guztiak jarri ditugu dantzan, txokolatea arterako erabiliaz.

 

Lehendabizi txokolatea prestatu dugu.

Ondoren margotzera!

 

2020-2021

DASTAMENA ETA USAIMENA


Zentzumenen proiektuari jarraituz, mingaina eta sudurra lanean jarri ditugu. Dastamenarekin eta usaimenarekin esperimentatzen aritu gara.

Lehendabizi, zapore ezberdinak zeintzuk diren aztertu eta izena jarri diegu: Gazia, gozoa, garratza eta mingotsa. Horretarako gatza, azukrea, limoia eta kafea (deskafeinatua) erabili ditugu. Ondoren eztia eta txokolate beltza ere probatu ditugu.

 

Ta honelaxe sentitu dugu mingaina:

Eguneroko hamaiketakoan gauza ezberdinak joan gara dastatzen. Zapore ezberdinetako yogurtak adibidez, baina etiketa kenduta zein zaporetakoak diren asmatu behar izan ditugu.

Beste hamaiketako batean patatak ere jan ditugu.

Eta palomitak ere, ummm! ze usain gozoa.

Jaki ezberdinak probatu ditugu, baina gure dastamenari adi-adi, ea mingainak zer dioen. Honela, zaporeen murala osatzen joan gara apurka-apurka.

Mingainari atsedena emanda, sudurra ipini dugu lanean. Oraingoan denetarik usaindu dugu, gauza batzuk atseginak eta besteak… ez hainbeste. Horretarako espeziak, ozpina, kolonia, gazta zaharra… erabili ditugu. 

 

2020-2021

ZIENTZIA: FLOTAZIOA


Gaurko tailerrean, material ezberdina bota dugu uretara. Zer gertatuko da? Ondoratu egingo da edo flotatu egingo du? Zergatik?

Artaburuek flotatu egiten dute. Baina ur gehiago botatzen badiegu?

 

Izozkien makiltxoek ere flotatu egiten dute!

 

Eta kotoia? Ederra sorpresa! Hasieran ur azalean geratu da eta gero hondoratu egin da.

 

 

Imanek engainatu egin gaitue, berdea ur azpira joan da eta urdina ur azalean geratu da.

 

Botatzen hasita, denetarik sartu dugu uretara.

 

Nahiko hipotesi atera eta frogatu ondoren, esperimentazio librea!!!

 

2020-2021

INAUTERIAK 2021

Aurtengo inauteriak bereziak izan dira, segurtasun neurriak harturik, 2 eta 3 urtekoen artean ospatu ditugu.

Guk “Izeba Pantxika” abestiarekin dantza egin diegu 2 urtekoei.

Amaitzeko, elkarrekin “Peru krokodiloa”dantzatu dugu.

2020-2021

ELURRA


Zentzumenekin jarraituz, oraingoan esperimentazio bat egin dugu, ELURRA!

     1) Elurra egiteko, ura eta bikarbonatoa nahasten joan gara neurri egokia topatu arte.

     2) Elurra hotza denez, izotza ere bota degu.

     3) Esperimentazioarekin amaitu ondoren, zentzumen txokoan utzi dugu elurra, nahi dugunean jolasteko eta denborarekin nola aldatzen den ikusteko.