2020-2021

Fluido ez-Newtonianoa


Oraingoan esperimentu bat egin dugu, horretarako Maizena irina eta ura besterik ez dugu erabili. Guztia aurrez prestatu, haurrekin apur batean hitz egin eta beraien saltsetan hasi dira. Zer gertatuko ote da?

Lehendabizi irina bota dute.

—–“Ura botatzia badakat?”—–                        —–“Nahi dezuena egin dezakezue.”—–

Ondoren dena ondo nahastu.

Batzueri oso likidoa geratu zaie, besteei berriz gogorregi. Zer egin behar da kasu bakoitzean? Hainbat froga egin ondoren lortu dugu nahi bezala geratzea.

Egindako orea manipulatzeko unea iritsi da.

Harrigarria! Presioa eginez gero solido bihurtzen da, “gogorra dago”. Baina utziz gero likidoa da,”biguna”.

Jarraian, prozesuaren bideoa ikusgai. Egin klik irudian eta sartu pasahitza.

2020-2021

KOLORETAKO MAHATS ZUZTARRAK


Gelan muztioa egin genuenetik gordeta genituen mahats zuztarrak. Orain, horiek margotzea bururatu zaigu.

Tenperaz margoturiko zuztarrak lehortu direnean, gure mahastian itsatsi ditugu.

Zein dotore geratu den gure mahastia!!!

2020-2021

MAHASTIA EGITEN


Mahasti bat nolakoa den ikasi dugunez, gelan bat egitea pentsatu dugu.

 

Lehendabizi, gure mahats eta hoztoak margotu eta gometxez bete ditugu:

Ondoren, mozten jardun gara:

Eta amaitzeko, pasabideko mahastian itsatsi ditugu:

Honela gelditu da gure mahastia:

2020-2021

MAHATSAREN MUZTIOA


Oraingoan Izeik beste sorpresatxo bat ekarri digu.

Beraien baserrian egin duten muztioa, benetan goxoa zegoen, baina nola egiten da  zuku zoragarri hau?

 Lehendabizi mahatsak aletu eta kuboetan botako ditugu.

Eta orain dibertigarriena!!!

Oinutsik ipini, galtzak igo eta “txapla-txapla” mahatsa zapaltzera.

Orain hankak ondo garbitu eta ea nola ateratzen dugun muztioa kuboetatik.

Hori ideia bikaina! Muztioa mahats hondarretatik banatzeko IRAGAZI egingo dugu.

Higiene kontuagatik ez dugu muztioa probatuko, baina bai usaindu. Zoragarria du, mikats puntuarekin.

 

2020-2021

Mahatsa


Mahats bilketako garaia da Getarian eta Izeik bere etxeko mahatsa ekarri du gelara.

Ummm, ze goxoa!!! Den-dena jan dugu. Nondik aterako dira bolatxo eder hauek? Ikustera joan beharko dugu…

Mahastiak! Hementxe egoten dira mahatsak.

Begira-begira zein sorta ederrak.