Birziklapena eta artearen proiektuan burubelarri egon eta gero, amaiera polit bat eman diogu elkarlanean. Lasai, hauek ez dituzte eta eramango etxera!

Nola gozatu duten eskuak zikinduz ikaragarria izan da, eta erakusketara ze harro eraman dituzten haien artelanak ere bai. Gozatu zuek ere azken egunerarte egongo baita erakusketa!

 

 

 

Lehengo astean ospatu zen Haur eta Gazte liburuen Nazioarteko eguna. Hori dela eta, bisita ugari izan ditugu gurean: gurasoak, LH-eko ikasleak,  Mari ipuin kontalaria… Guk ere 3 urtekoen gelan ipuin kontalari moduan aritzeko aukera izan dugu!

Ederra da norbaitek ipuinak kontatzea, eta horretarako aukera izan dugu bi aste hauetan zehar. Mila esker gerturatu zareten guztioi! Eta gerturatu ez zaretenok aukera duzue oporren bueltan egiteko, gure ateak zabalik dituzue!

Hemen uzten dizkizuegu argazkitxo batzuk nola ibili garen ideia bat egiteko.

Nahi duzuen arte!!

 

 

 

Kaixo familiok!

Astebete pasata, hemen uzten dizkizuegu gure egun pasaren nondik norakoak!

Ikusten duzuenez, Angel eta Naroarekin elkartu ginen erein daitezkeen haziei buruz hitz egiteko.

Hazien modura hazi ginen gu ere!

Gero, artoa aletu genuen, ondoren xehetzeko.

Eta zertarako? Bada, abeletxean sartu eta oiloei jaten emateko! Ikusi nolako arrautzak jartzen dituzten! 

Hamaiketakoa egitera joan nahi baina, antzarrek haien arrautzak babesteko, bidea oztopatu ziguten! Beste bidetik itzuli ginen beraz, eta tripa beteta, haur parkera egin genuen salto: a ze espazioa jolasean murgiltzeko!

Bazkal ostean bertako baratzetatik zehar ibili ginen. Ba al zenekiten baratza ona izan dadin bertan animaliak bizitzea dela egokiena? Hortxe haien hotela! Usaindu eta gastatzen ibili ginen baita ere, Angeli jarraituz beti ere! 

Autobusaren zain argazki bat ateratzearekin bukatu genuen Ekoguneko bisita. Berriz itzultzeko gogoz geratu ginen, primeran pasa baikenuen! 

 

Aurten ere joan zaizkigu Inauteriak! Ikusten duzuenez, ez da asko behar ondo pasatzeko! Etxetik ekarritako trapu zaharrak jantzita primeran ibili ginen zomorrokeritan!

Badator Santa Ageda bezpera.

 

Astelehenean ospatuko dugu herrira jaitsiz, eta horretarako martxan jarri gara entseguekin.

Gogoratu ostiralerako makila ekartzeaz, gure kolpeekin lurra esnatuko biatugu!!

 

 

Hemen duzue gelan abesten dugun beste kanta bat. Izugarri gustatzen zaigu gure gelako autobusa osatu eta kantari joatea eskolara. Zuek ere animatu!! Igo autobusera familiako kide guztiak eta jarraitu gidariari!!!

Halako eguraldi eskasa egiten duenean gogoratzen gara zein ondo ibili izan garen eguzkipean eskola ondoko parkean!

Ikusi ikusi zer nolako jolasekin disfrutatzen dugun!

Kaixo familiok!

Urtero bezala, Euskararen eguna badator eta gu abesti batzuk prestatzen hasi gara.

Hona hemen zuek ere etxean entseiatzeko!

BEHIN BETIKO

ARGITXO (lehen bi estrofak)

 

AHOA BIZI BELARRIAK PREST