2020-2021

1. MAILAKO AZKEN EGUNA

Aurten dena izan da berezia eta azken eguna ere bai, ohiko festarik gabe. Baina goiz berezia izan genuen, bi taldeak elkarrekin ederki ibili ginen jolasean. 

Eta noski, txistorrarik gabe ez ginen geratu. Mmmmmm! Izugarria zegoen! Hara denok ze gustora jan genuen lasai lasai…

Eskerrik asko prestatzen ibili zinetenei!

 

Eta kitto! Bukatu dugu oraingoan!

Oporrak primeran pasa, eta irailean berriz eskolara…ikusiko duzue ze ondo, oso aldatuta aurkituko dituzue gelak, politak eta atseginak!

Besarkada bana

Aitor eta Ane

2020-2021

Iturraran Agorregi

Kaixo denoi!

Gure ikasle maiteak dagoenekoz oporretan ederki ibiliko zarete…ze ondo! Gozatu, merezi duzue eta!

Gu oraindik eskolan gabiltza azken lanak egiten,… Eta hara, bloga ia ahaztu zitzaigun!

Iturraranen halako egun polita pasa genuen…Gogoratuko zarete, ezta? Guztioi , irakasle eta ikasle, oso oroitzapen gozoa geratu zitzaigun!

Plana oso interesgarria izan zen, lekua zer esanik ez, eguraldia espero genuena baino hobea izan genuen eta gure artean ere giro ederra!

 

Bidairako prest, txintxo asko denok!

Asko ikasi genuen, eta gozatu ere bai! 

Gustora itzuli ginen ogi eder banarekin motxilan,  kantari. Kantu saio ederrak egin genituen. Gogoratzen?

2020-2021

SAN ANTONEN KAIXO MUSTOREKIN

Kaixo!

Dakizuen bezala,  apirilaren bukaeran San Antonen ibili ginen goiz pasa, Kaixo Mustoko Angel eta Anirekin. Oso ibilaldi polita eta interesgarria prestatu ziguten!

Alde batetik San Antongo landaretza, bestetik txori kontuak eta kantuak…Ur gazia eta gezarekin esperimentua ere egin genuen iturrian. Farora igotzeko aukera paregabea izan genuen! Eta faroen hizkuntza ezagutzeko ere bai… Jolasean ibili ginen hizkuntza hori erabiliz.

Naturaz eta itsas ontzi eta faroez aparte, bestelako kontu ugari esan zizkigun Angelek: Maritxu Beltzaren istorioa , lamiak edo sirenak zirela … Ederki gozatu genuen!

LH1A taldea 23 ostiralean, eguraldi eguzkitsu ederrarekin ibili ginen. LH1B koak 26 astelehenean euritarako prestatuta joan ginen, baina zortea izan genuen, eta ez zuen batere egin!

 

  Landaretza aztertzen

 

 

 

    Arkamurka inguruan

   Iturrian esperimentua prestatzen

 

    Txori kantuak entzuten

  Farora sartzen…

 

Eta ur gazi koloretsua nahasten laguntzeko  Getariarren kantu bat:

https://photos.google.com/photo/AF1QipP0tLQAfGx6X0hUpEH5LplftDiYdNfchzt1jbq

 

    Maritxu Beltzaren istorioa kontatzen ari zaigu Angel

 

Iturriko urarekin esperimentua: 

Ur gaziari kolorea eman genion bereizteko eta ondoren ur gezarekin nahastu genuen , ea zer gertatzen zen ikusteko.

 

Eta hara emaitza: gazia hondoan geratzen da eta geza goiko aldean.

“Landare atrapatzailea”…

 

 

 

 

 

 

 

      Arkamurka ezagutzen

 

  “Txori atrapatzaileak” prestatzen…

 

    Farora igo ginen eta han faroen hizkuntza ikasi genuen! 

Irratikoak ere etorri ziren eta elkarrizketa egin zioten, aurrena Anjeli eta gero Kai eta Oihani!

                                                                                              EDERRA PLANA!!!

 

 

2020-2021 · Sin categoría

Marukako irteera

 

Kaixo denoi,

Elikagaiekin murgilduta ginela Marukako familiak bisita antolatu ziguten beraien etxean…

Enriquek, dastamenaren inguruan, hainbat gauza interesgarri azaldu zizkigun.

Maialenen laguntzakin zaporeen eskema osatu genuen mihiaren inguruan eta hiztegi berria ikasi genuen: dastamen papilak, umami…

Zenbat gauza ikasi genituen Marukako lagunekin!!

Hemen argazki eta bideotxo batzuk  zuekin konpartitzeko…

Laster arte!!

 

 

https://photos.google.com/photo/AF1QipMFXLvn_Qnul9snIJhRCm251aIjIjeGBUiUNXmO

https://photos.google.com/photo/AF1QipMqFmfFhp6u_De2zHszyOXPFcPz6MNyrrl0aBrw

 

2020-2021

USOTEGI

 

KAIXO!

DUELA ASTE BATZUK, OTSAILAREN 5EAN, USOTEGIN IZAN GINEN 1. MAILAKO BI TALDEAK.

ELIKADURA OSASUNTSUA LANTZEN ARI GINENEZ, EZIN APROPOSAGOA IZAN ZEN HANGO BARATZAK ETA PRODUKTUAK EZAGUTZEA…EDERKI ERAKUTSI ZIGUN DENA AITZPEAK, IRAIEN AMAK…

 

GARAI HONETAKO EGURALDIAGATIK BABESTUTA HAZTEN DIREN BARAZKIAK NEGUTEGIAN DITUZTE

LETXUGAK, TIPULAK, PEREJILA…NEGUTEGI BARRUAN EDERKI HAZI DIRA EPEL EPEL

 

BESTE HAINBAT, KANPOKO BARATZETAN…

 

 

 

 

 

ANIMALIAK ERE BISITATU GENITUEN: UNTXIAK ETA KUMEAK, ANTXUMEAK, ARDI ETA ARKUMEAK, UMA TXAKURRA ETA BERE  KUMEAK…

 

EDERKI IBILI GINEN ETA ASKO IKASI GENUEN

 

ESKERRIK ASKO USOTEGIKO FAMILIARI!

HURRENA ARTE!

 

 

 

 

2020-2021

Lehen ebaluazioa bukatu da!!

 

Kaixo familiak!

Ti-ta batean iritsi zaigu lehenengo hiruhilekoaren amaiera! Egokitzea eta martxan hastea pixka bat kosta zitzaigun arren, lan asko egin dugu! 

Bi proiekturekin aritu gara lanean;  jaiotza proiektua eta lanbideak.  

Jaiotza proiektuan jaiotza desberdinak ikusi eta aztertu ditugu. Gurasoei esker, ikasle bakoitzaren jaiotzaren berri izan dugu eta ikasleek ere gustora partekatu dute informazio hori guztia gelan. 

Animalia desberdinen jaiotzak aztertu ditugu; nondik jaiotzen diren, bakoitzaren gestazio denbora..

Gelako laguntxo batzuei esker, txita batzuen jaiotza ikusteko aukera izan dugu ZUZENEAN! Mila esker gurekin partekatzeagatik! 

https://hezkuntza-my.sharepoint.com/:f:/g/personal/mirenartetxe_irakasle_eus/El4CXJYYo0RJt2_KdnokVHIB7Q3qrV2kpmDjUU9eCfBsqQ?e=TmfG6c

 

 

 

Oso langile ibili gara; ipuina idazten, jaiotzako marrazkiak egiten, animaliak aztertu eta marrazki ederrak sortzen…

Txoko zuria ere ipuin eta irudi interesgarriz hornitu genuen!

 

 

 

 

 

 

 

Emozioei garrantzi handia eman diegu eta hori dela eta “koloretako munstroa” ipuina landu dugu. Honekin batera jarduera batzuk egin ditugu; horien artean norberaren emozioak adierazteko gelan ipini dugun mural bat.

 

Proiektuarekin lotuta, txango bat ere egin genuen! Zaldiari merienda ederra eman genion! A ze enpatxoa gaixoak!! 

 

Eguraldiak lagundu izan digun bitartean, ondoako zelaira joan izan gara marrazki ederrak egitera! 

 

Bigarren proiektuarekin ere oso gustura aritu gara. Aurten gurasoak ezin izan zarete gelara etorri zuen lanbideak azaltzera, baina zuen bideo, argazki eta informazio ekarpenez baliatuta, aurkezpen ederrak egin dituzte gelan. Mila esker zuen laguntzagatik! 

 

BESARKADA BAT!