2019-2020

Balenciaga museora bisita

Beste urte batez eskolatik gertu dugun Balenciaga museora joan gara. Jarduera ezberdinak egin ditugu Manexen laguntzarekin.

Hasteko jostunaren biografiaren berri eman digu.

Ondoren, koloreen jatorria eta sailkapena aztertu ditugu, ariketa praktiko bat eginez.

Eta, jantzien bilduma ikustera pasa gara, Manexen azalpenak entzun bitartean.

Gero, tailer praktikoa egin dugu. Lehenbizi tinte natural eta artifizialen arteko desberdintasuna azaldu digu. Hari txuri batzuk tindatu ditugu bi eratako tinteak erabiliz.

Azkenik, bakoitzak eskala kromatiko bat egin dugu, kolore ezberdinetako hariak erabiliz eta etxera eraman dugu.

Hemen kontatutakoa argazkietan ikus dezakezue.

2019-2020

Xomorroak aztertzen

Kaixo:

Animalien proiektua lantzen ari ginela eta, Zisareko Aitziber arduraduna eskolara etorri zitzaigun iazko konpostako lagin batzuk erakustera.

Lehenbizi, xomorroak bereiztu genituen (armiarmak, zizareak, kukurutxak, txingurriak …).

Gero, sailkatzen jardun ginen.

Eta azkenik, mikroskopio digitalean ikusi genituen.

Hemen argazki batzuk nola aritu ginen ikus dezazuen.

2019-2020

Piraguan gozatzen!!!

Irailaren 16tik 20ra Malkorbe hondartzan piragua ikastaroa egin genuen. Eguraldia bikaina izan zen eta ederki pasa genuen ikasten eta jolasten. Bi begirale jatorren aholkuak jarraituz, piraguaren lehen hastapenak egin genituen. Prest gaude jarraipena emateko.

Hemen bizitutakoaren oroigarria.

2018-2019

Mikroskopikoarekin lanean!

Gaur Aitziber gure gelara etorri da odolaren inguruko jakintzak gurekin konpartitzera. Azalpen orokor bat eman eta ondoren mikroskopioaren laguntzaz, odola bertan nola ikusten den ikusi dugu.  Oso gustora egon dira, galdera pilo bat eginez eta gustora solasean.

     

Eskerrik asko Aitziber zure bisitagaitik!!