2019-2020

UGALKETA eta SEXUALITATEA

Natur Zientzietako proiektuan ikasitakoa errepasatzeko LAPBOOKak egin ditugu. Ea gustoko dituzuen. Guk ederki pasa dugu.

GIZONEN UGALTZE APARATUA

EMAKUMEEN UGALTZE APARATUA

HILEKOA

ERNALKETA

HAURDUNALDIA

ANTISORGAILUAK ETA STGak

2019-2020

ODOL EMAILEAK

Oso saio interesgarria izan dugu gaur eskolan. Odol Emaileen Elkarteko Larraitz eta Olatz etorri zaizkigu.

Historian zehar odolaren eta zirkulazio-aparatuaren inguruan egindako aurkikuntzak azaldu dizkigute hasieran.

Bihotz taupadak kalkulatu ditugu eta bitxikeriak ikasi: elefanteak minutuko 20-30  taupada izaten ditu eta hamsterrak 500-600 bitartean. Izugarri!

Odol transfusioak txakurrekin hasi ziren egiten. Odol motak bateragarriak ez zirela konturatu ziren, odola iraungitu egiten zela…  Horrek guztiak odol bankuak eta Odol Elkarteak sortzeko beharra ekarri zuen.

Egunero 150 poltsa behar izaten dira Euskadin. Furgoneta batean ibiltzen dira herriz herri; bildu eta Galdakaon dagoen odol bankura eramaten dute. 5-10 minutuko kontua izaten da eta 450 mlko poltsak izaten dira. Poltsa bakoitzarekin 3 pertsonei lagundu dakieke.

Odol taldeak ere gogorarazi dizkigute: AB, A, B, 0. Rh+ eta Rh- ere azaldu digute.

Gonbidapena ere jaso dugu. Asteazkenean 19.00etan izango dira anbulategian eta bertan entzudakoa ikusteko aukera izango dugu.

A! Eta ez ahaztu odola oraindik behintzat ezin dela ekoiztu. Pertsona batek eman behar du besteak jasotzeko. Gainera osagai batzuk egun batzutan bakarrik gorde daitezke, eta etengabekoa izan behar du jasoketak.

2019-2020

OLENTZERO BUSINESS CENTER

Gipuzkoako bertsolari txapelketa amaitu berri dugunean eta Gabonak ate joka.  Mikel Markezek kanta bihurtutako bertsoak eta Julio Sotok munduko haurrek Olentzerori eskatzen dizkioten oparien berri emanez egindakoak etorri zaizkigu gogora

Publizitatea, kontsumoa, pertsonen arteko desberdintasunak… Eman digute zer pentsa!!!

Entzun nahi badituzue KLIK hemen:

https://bertsoikasgela.eus/baliabideak/85/

https://bertsoikasgela.eus/baliabideak/86/

Ondo pasa Eguberriak eta Urte berri on !!!

2019-2020

EGUNEKO ZENTROAN

Eguneko zentroan izan gara gaur goizean. Iritsi garenerako han genituen zain Alejandra, Karmelo, Migel, Karmen, Itziar eta 3 Jose Mari. Kontatu nahi dugutena jakin nahi baduzue irakurri abenduko Artzape.

A! Euskara eguneko abestiekin emanaldi txiki bat ere eskaini diegu.

2019-2020

ALKATE TXIKI EGUNA

Alkate Txiki Eguna ospatu da Getarian. Tailerrak bukatu eta gero, Haritz Alberdi Getariako alkateak aurtengo alkate txikiari eta zinegotziei aginte makila eman zien. Aurten Gorka Ezenarro izan da alkatea, eta harekin batera, udalbatza osatu zuten Ekhiñe Kerexeta, Aimar Zulaika, Oier Larrañaga, Argiñe San Martin eta Nerea Iribar zinegotziek.

Osoko bilkura egin zen eta Lehen Hezkuntzako maila bakoitzeko haurrek egindako galderak erantzun zituzten agintariek.