Urriaren 3an, Iturzaetako 5. eta 6. mailako ikasle eta irakasleak Oriora bisita egin genuen bertako Zaragueta eskolako 6. mailakoen gonbitea jaso baikenuen. Gurekin batera, Aiako Lardizabal eta Aginako eskolakoak etorri ziren. Zaragueta eskolako 6.mailakoek, Balearen Ibilbidea erakutsi ziguten. Ibilbidean zehar hainbat azalpen eman zizkiguten, tartean, antzerki ederra eta kantak eskainiz.
Eguraldia lagun izan ez bagenuen ere, egun pasa polita izan genuen.
Aurten ikasturteari hasiera emateko eskalada eta arrauna probatzeko aukera izan dugu. Horregatik, eskalada taldeko Iban eta Getariako arraun Elkarteko Haritz eta Igorri eskerrak eman nahi dizkiegu. Ederki pasa genuen!!
2024-2025 ikasturtea gure azkenekoa izango da Iturzaetan. Hemen duzue gure ikasturte hasierako talde osoko argazkia. Ekainean beste bat igoko dugu, ea desberdintasunik antzematen diren!!!
