Denon artean zaintzen ditugu, eta zoragarri dauzkagu landareak, baina gaurko haizearekin… Eskerrak argazkia atera genuen!
Badator Korrika!
Gaur abiatu da Korrika Amurriotik eta gu ere hasiak gara prestatzen: kantua, dantza, petoa… Gora Korrika! Gora AEK! Gora Euskara!
Bide Heziketa
Gaur Eskolan Bide Heziketa ikastaroa jaso dugu. Trafikoaz arduratzen diren Aritz eta Mikel etorri zaizkigu Oiartzungo Ertzain Etxetik eta hainbat gauza ikasi ditugu: errepidea ez dela leku segurua eta adi ibili behar dugula, trafiko seinaleak identifikatzen eta ulertzen, bizikletaz nondik eta nola ibili gaitezkeen… bukatzeko ertzain autoa erakutsi digute: zer daukaten, zertarako… sirena ere jarri digute martxan!
Kaixo Mustorekin Gaztetapen
Ekosistemak proiektuaren barruan lehorrak eta itsasoak bat egiten duten lekura joan gara, Gaztetapera. Han Anjelek eta Iñakik prestatutako hainbat esperimentu egin ditugu. Hamaiketakoaren ondoren harraldean ibili gara: amarrak, lapak, maulioak, anemonak… ikusi ditugu haitzetan. Ondoren kate trofikoaz jardun dugu eta piramidea egin dugu hondarretan Gaztetapeko harriekin.
Hemen dituzue argazki batzuk. Linkean sartu eta gehiago.
Pertsonaia historikoak
Historiaurrea, Antzinaroa, Erdi Aroa, Aro Modernoa, Aro Garaikidea… Herriko eta Euskal Herriko pertsonaia historikoen biografiak egin eta denbora lerroan kokatu ditugu. Aurkezpenak egiten trebatzen ari gara… gero eta hobeto! Hemen dituzue argazki batzuk. Linkean sartu eta gehiago.
Udaberria!
Udaberria iritsi da Iturzaetako baratzera! Guk landatutako hainbat landare loratu dira, begiratu zein politak!
Baratzean
Gaur baratzearen inguruan Mauk prestatu duen bideo polit hau dakarkizuegu. Gozatu eta ondo pasa asteburua!
https://drive.google.com/file/d/16Os9rBzyVfu1EkZy-KxdL1Yus0Rsl8z7/view?usp=sharing
Gurasoak gelan
Ismaelen ama, Maider, gelara etorri zitzaigun bizimodu baten bila gure herrira etortzen direnei ahotsa jartzera; tartean Ismael beraren aita.
Sorterritik irteteko pasatako bizipen benetan latzak, herrialde berrian bizirauteko zailtasunak, familia eta lagunak galtzearen herrimina… guztiak adi-adi entzun genituen, eta ezberdinak eta berdinak garela ikasi genuen. Ohitura, hizkuntza, erlijioa, azalaren kolorea, herrialdea, bizipenak… desberdinak; desioak, beharrak, sentimenduak, ametsak, minak eta pozak berdinak.
Ikuspegia zabaltzen laguntzeagatik, mundua ulertzen laguntzeagatik, mila esker, Maider!
Opari bana jaso genuen: gure izenak arabieraz idatzita.
Etorkizuna eraikiz
Foru Aldundiak herritarren eskaerak jasotzeko abian jarritako Etorkizuna eraikiz ekimenean parte hartu genuen atzo arratsaldean. Gipuzkoa eta Getaria hobetzeko hainbat proposamen egin genituen, hortan badaukagu eskarmentua-eta. Hemen dituzue argazki batzuk.
Biografien aurkezpenak egiten
Gizarteko proiektuaren barruan, Getariako seme-alaba ospetsuen biografiak landu ditugu. Binaka edo hirunaka informazioa bildu, idatzi, argazkia aukeratu eta biografia osatu dugu. Emailez irakasleari bidali eta bukatzeko, aurkezpenak egin ditugu: gelakideen aurrean, Eskolako lagunei… Hona hemen aurkezpeneko bideo eta argazki batzuk:
https://drive.google.com/file/d/1-OTBEEQPKc7CdhuNQslQ1z15tgCIJErA/view?usp=gmail
https://drive.google.com/file/d/1tlRxzfAgC0wEefIYBn69gquT14RNH5L-/view?usp=sharing
https://drive.google.com/file/d/19PiM0VQhb7vC9u60jddsGuwmwqJuRuzV/view?usp=sharing
https://drive.google.com/file/d/1hXOpr7ycWQvVoJRjpdLN28CBjIFngsag/view?usp=sharing
