Hiruhileko honetan Heziketa Fisikoan txokotan jolasean ibili gara. Kiroldegiko kanpo zein barne espazioetan bost txokotan egon diren proposamen desberdinetan ibili dira: jaurtiketak, harrerak, jauziak, lekualdatzeak, gorputz adierazpena, kirolak…lantzeko aukera izan dute.
Primeran ibili dira materiala zainduz, elkarri errespetatuz eta bukaeran dena txukun-txukun jasoz denon artean. Txokoen aukeraketa librea izan da, baina baldintza bakar batekin: «Txoko guztietan arituko gara!»
Abenduaren 15ean eguneko zentrora bisita egin genuen gabonak datozela aprobetxatuz. Aurrez, gabonetako hainbat abesti prestatu genituen eta biolin, gitarra, trikitixa eta panderoaren laguntzarekin primeran aritu ginen kantari. Bertako aiton-amonak ere animatu ziren gurekin batera abestera. Hain gustura aritu ginen, prestatu gabeko beste abesti batzuk ere inprobisatu genituela. Giro ederrean aritu ginen poz-pozik eta asko eskertu zuten gure bisita.
LH 4-ko ikasleak musika gelan, Star-Wars pelikularen soinu banda entzunez, musikograma jarraitzen dute eta perkusio txikiko instrumentuak jotzen dituzte.
Azaroaren 10ean udaletxera joan ginen Getariako biztanleriari buruzko datuak eta informazioa eskatzera. Aurretik galdera batzuk prestatu genituen eta Juan Luisek ederki erantzun zizkigun. Datu horiekin grafikoak egin eta hauek interpretatuz ondorioak atera ditugu.
Hiruhileko honetan burubelarri aritu gara biztanleriaren proiektuarekin. Beste hainbat jardueren artean, etorkinek biztanleriaren hazkuntzarekin duten lotura aztertu dugu. Hori dela eta, gure geletako ikasle eta gurasoen jatorrizko herrialdeei buruz informazioa bildu dugu eta hormirudietan isladatu dugu. Talde bakoitzak landutako herrialdearen aurkezpena egin du gainontzekoen aurrean. Oso gustura aritu gara lanean!!
Ikasturte berria osasuntsu eta gogoz hasteko, paddle surf ikastaroa egin dugu bost egunez.
Lehenengo egunetan eguraldia lagun izan genuen eta gustora ibili ginen uretan. Azken eguneko eguraldia hala nolakoa izan arren, pozik aritu ginen. Ikastaroa borobiltzeko Alex eta Gato begiraleek bi kamiseta zozketatu zituzten. Pazientziaz eta umorez aritu ziren begiraleak gurekin eta denon artean, giro onean, aste bikaina pasa genuen!
Orain, lanean buru-belarri aritzea tokatzen zaigu…
Hona hemen bizitutakoaren argazki sorta:
Oporrak bukatu dira eta dagoeneko 4. mailan hasi gara.
Uda ondo joan den seinale gisa, gure taldeko argazkiak ikustea besterik ez duzue!
LH4A
LH4B
Ikasturte amaierako azken txangoa Arotz Eneara egin genuen 3. eta 4. mailako ikasleek. Eguraldi bikainak lagunduta, bi egun eta gau «labur» zoragarriak pasa genituen. Hainbat ekintza ezberdin egiteko aukera izan genuen: buztin eta ukendu tailerrak, kobazuloetara bisita, olinpiadak, behitegia ezagutu, diskofesta eta pijama desfilea. Hona hemen egindako jardueren erakusketa bat:
Hona hemen ikasturte honetan egin ditugun proiektuen argazki sorta bat:
1- GETARIA GURE HERRIA
Proiektu honetan gure herriko kaleak hobeto ezagutu genituen eta udaletxearen funtzionamentuaren berri eman zigun alkateak. Herria hobetzeko gure proposamenak ere helarazi genizkion alkateari.
2- GURE AMETSETAKO JATETXEA
Proiektu honetan bakoitzak amesten genuen jatetxea diseinatu genuen. Getariako jatetxeen eta parrilaren jatorriaren nondik norakoak ere ezagutu genituen. Arrantzatutako arraina lehen eta orain nola prestatzen den ikusteko eta jatetxe baten funtzionamendua hobeto ulertzeko herriko jatetxe batzuetara hurbildu ginen Maialenen azalpenak entzunez.
3- EKOSISTEMAK
Proiektu honetan urrutiko eta bertako hainbat ekosistemen ezaugarriak aztertu ditugu. Getarian bertan ditugun bi ekosistema zehatz ikertu ditugu:
Gorputz Hezkuntzako saioetan Akrosporta eta Mimoa izeneko proiektua landu dugu tatamian. Gorputz adierazpena eta antzezpena uztartzeaz gain, piramide eta irudi desberdinak esperimentatzeko aukera ere izan dugu. Oinarrizko segurtasun neurriak eta euste moduak ondo ezagutu ondoren, lanean jarri gara!
Ezina, ekinez egina!
