LH4

ARRIAUNDI TUMULUA

Historiaurrea proiektuarekin lotuta, dakizuenez, gaur goizean Arriaundi Tumulua ikustera joan gara. Eguraldi aproposa izan dugu ibilaldirako eta bertatik bertara ikusi ahal izan dugu Getarian bertan ditugun historiaurreko arrastoak. 

Ondoren ondo merezitako hamaiketakoa egin dugu eta jolasteko denbora ere izan dugu. Primerako goiza pasa dugu!!

LH4

2024ko INAUTERIAK

Iritsi dira hainbeste amestutako inauteriak!! Aurten lehen aldiz goizez ospatu dugu jaialdia eta giro onean aritu gara! Mozorroak txukun-txukun genituen bitartean, argazki pare bat ateratzeko aprobetxatu dugu:

LH4

TXOKOTAN JOLASEAN

Hiruhileko honetan Heziketa Fisikoan txokotan jolasean ibili gara. Kiroldegiko kanpo zein barne espazioetan bost txokotan egon diren proposamen desberdinetan ibili dira: jaurtiketak, harrerak, jauziak, lekualdatzeak, gorputz adierazpena, kirolak…lantzeko aukera izan dute.

Primeran ibili dira materiala zainduz, elkarri errespetatuz eta bukaeran dena txukun-txukun jasoz denon artean. Txokoen aukeraketa librea izan da, baina baldintza bakar batekin: «Txoko guztietan arituko gara!»

Klikatu gainean bideoa ikusteko

LH4

EGUNEKO ZENTRORA BISITA

Abenduaren 15ean eguneko zentrora bisita egin genuen gabonak datozela aprobetxatuz. Aurrez, gabonetako hainbat abesti prestatu genituen eta biolin, gitarra, trikitixa eta panderoaren laguntzarekin primeran aritu ginen kantari. Bertako aiton-amonak ere animatu ziren gurekin batera abestera. Hain gustura aritu ginen, prestatu gabeko beste abesti batzuk ere inprobisatu genituela. Giro ederrean aritu ginen poz-pozik eta asko eskertu zuten gure bisita. 

 

 

LH4

UDALETXERA BISITA

Azaroaren 10ean udaletxera joan ginen Getariako biztanleriari buruzko datuak eta informazioa eskatzera. Aurretik galdera batzuk prestatu genituen eta Juan Luisek ederki erantzun zizkigun. Datu horiekin grafikoak egin eta hauek interpretatuz ondorioak atera ditugu. 

 

LH4

BIZTANLERIA

Hiruhileko honetan burubelarri aritu gara biztanleriaren proiektuarekin. Beste hainbat jardueren artean, etorkinek biztanleriaren hazkuntzarekin duten lotura aztertu dugu. Hori dela eta, gure geletako ikasle eta gurasoen jatorrizko herrialdeei buruz informazioa bildu dugu eta hormirudietan isladatu dugu. Talde bakoitzak landutako herrialdearen aurkezpena egin du gainontzekoen aurrean. Oso gustura aritu gara lanean!!

LH4

PADDLE SURF IKASTAROA

Ikasturte berria osasuntsu eta gogoz hasteko, paddle surf ikastaroa egin dugu bost egunez. 

Lehenengo egunetan eguraldia lagun izan genuen eta gustora ibili ginen uretan. Azken eguneko eguraldia hala nolakoa izan arren, pozik aritu ginen. Ikastaroa borobiltzeko Alex eta Gato begiraleek bi kamiseta zozketatu zituzten. Pazientziaz eta umorez aritu ziren begiraleak gurekin eta denon artean, giro onean, aste bikaina pasa genuen!

Orain, lanean buru-belarri aritzea tokatzen zaigu… 

Hona hemen bizitutakoaren argazki sorta: