Aurten Elkanoren lehorreratzearen 500. urteurrena dela eta, gure azken proiektua Elkanoren mundubira izan da. Gertutiki bizi dugun gaia izanda, interes handiz murgildu gara proiektuan. 

Turismo bulegora joan gara bisita antzeztua ikustera. Bertan Juan Zubilletarekin topo egin genuen eta orain 500 urte bizitako abenturak kontatu zizkigun:

Gaiarekin lotuta, beste bisita bat ere izan dugu gelan: Marenen aitona Anton. «Gora Elkano» ereserkia abestu zigun.

Urtero bezala, Mater Fundaziokoen bisita ere izan dugu. Itsasoa nola zaindu eta garbi mantendu erakutsi digute.

Proiektuari amaiaera emateko, herritik zehar altxorraren bila jolasa egin dugu Elkanoren arrastoa jarraituz. Altxor berezia aurkitu dugu piraten parkean, merezitako saria!

 

Oso gustora ibili gara landareen proiektuarekin. Gela apaintzeaz gain, beste hainbat jarduera ere egin ditugu. Landareen unibertsoa ezagutu dugu era teorikoan eta praktikoan: 

 

Hainbat hazi ezberdin landatu ditugu: kalabaza, kalabazina, eguzkilorea, babarrunak…

Eskulanak ere egin ditugu:

Potato landarea ureztatzea eguneroko arduratzat hartu dugu ilusio handiz:

Bakoitzak aukeratutako bi landareren inguruko lanketa egin dugu, denon aurrean partekatu eta landareen liburuxka osatu dugu:

 

Lehenengo mailan ezin izan ginen igerilekura joan, beraz, aurten gogotsu eta ilusioz beterik ibili gara igeriketa ikastaroan.

Hori bai, leher eginda bukatu dugu!

 

 

Abesti hau lantzen ari gara, etxean irakurri eta ikasi nahi aduzue, hemen daukazue link a eta letra, 

LINK a:

ZUREKIN BATERA-ORERETA IKASTOLA

 

ZUREKIN BATERA

ZENBAT ALDIZ MARRAZTUKO NUKE

ZURE BESOETAN ETORKIZUNA.
ZENBAT ALDIZ AURKITUKO NUKE

 ZURE USAINAREN OROITZAPENA.
ZENBAT ALDIZ ITXARONGO NUKE

AURREZ AURRE EGOTEKO HITZORDUA.
EGUNAK HOBEAK BAITIRA ZUREKIN BATERA.

ZENBAT ALDIZ EMANGO NIZUKE

KAFE BAT HARTZEKO DUDAN DENBORA.
ZENBAT ALDIZ ASMATUKO NUKE

 ZUREKIN EGOTEKO AITZAKI BAT.
ZENBAT ALDIZ ENTZUNGO NITUZKE ZURE AHOTIK GURE ISTORIOAK.
EGUNAK HOBEAK BAITIRA ZUREKIN BATERA.

TA ELKARTUKO GARA BERRIRO, GURE BETIKO LEKUETAN,
ZABALDUKO DITUGU BESOAK, BESARKATUZ GURE ARIMAK.
TA AMESTUKO DUGU GAUEAN,

ORAINDIK GELDITZEN ZAIGUNA.
EGUNAK HOBEAK BAITIRA ZUREKIN BATERA,

 ZUREKIN BATERA

ZENBAT ALDIZ OSPATUKO NUKE

BEHAR DUDANEAN ZU HOR ZAUDELA.
ZENBAT ALDIZ ULERTUKO NUKE

ZURE BEGIRADETAN AHOLKU BAT.
ZENBAT ALDIZ ESANGO NIZUKE

BESTERIK GABE MAITE ZAITUDALA.
EGUNAK HOBEAK BAITIRA ZUREKIN BATERA.

 

Irteeratxoa egin dugu eskolatik ez hain urruti. Leku berezia eta kuttuna getariar guztientzat: Balentziaga Museoa.

Balentziagaren azken bildumako soinekoak ikusi genituen ibilalditxo gidatu batean. Bertan, hainbat azalpen eman ziguten. Ondoren, ikusi eta ikasitakoa praktikan jarri genuen; gutariko bakoitzak kamiseta bat diseinatu eta sortu genuen azkeneko moda tendentziei jarraituz.

Gure gorputza eta honen funtzionamendua hobeto ezagutzeko aukera izan dugu proiektu honetan. Aparatu ezberdinak eta beraien funtzioak norbereganatu ditugu. 

Gustora ibili gara ikasten eta eskulanak egiten!

Gipuzkoako historia araktzen ibili gara, dinosaurioen garaitik gaur egun arte. Garai ezberdinak ezagutu ditugu ipuinen bitartez eta garai bakoitzeko objektu adierazgarri batekin denboraren kaxa osatu dugu. Era berean, denbora-lerroan kokatu ditugu aro ezberdinak bakoitzaren ezaugarriekin. 

Primeran pasa dugu denboran zehar bidaiatzen!

Eskola ondoko urmaelaren eraikuntzan parte hartu dugu. Esperientzia benetan polita izan da.

Hasteko, Aranzadi Elkartekoek urmaelera etor daitezkeen animalia ezberdinen berri eman digute.

Ondoren, atxurrak eta palak hartu eta burubelarri lanean hasi gara. Urmaelaren zuloko plastiko txuria lurrez estali dugu eta lur hori ondo ondo zapaldu. Primeran pasa dugu!

Astronauta jantziak jantzi, espaziuntzian sartu eta….. 3,2,1 espaziora abiatu gara!!

Gure galaxia ezagutu dugu eta Eguzki Sistemako hainbat bitxikeria ikasi ditugu.