Ikasturteari amaiera goxo bat emateko, ekainaren 17an, astelehena, Askizura joan ginen goiz pasa. Eguraldi ederra izan genuen eta hainbat jolas egiteko aukera izan genuen.
Irteera honetako argazki sortarekin batera, agurra emateko garaia iritsi zaigu. Bi ikasturtetan zehar zuen seme-alaben bidelagun izan gara eta orain etapa berri bati ekingo diogu bai beraiek eta baita guk ere.
Pozik bizi eta zorte on!!
Kotxi eta Ainhoa.
Maiatzaren 9 tik 10era Lasturrera joan ginen txangoa egitera. Eguraldiak lagundu zigun eta primeran pasa genuen hainbat ekintza eginez: zaldiketa, espeleologia, gaubela, pijama festa… Antolatutakoaz gain, ez genuen aspertzeko aukerarik izan, lagunartean jolasean gustura arituz.
Hemen dituzue oroigarri gisa hainbat argazki:
Ostiralean, hilaren 26an, «Idazleak Ikastetxean» programaren barruan, Alaine Agirre idazlearen bisita izan genuen eskolan.
Aurrez, bere hainbat ipuin irakurri genituen eta bere biografiaz informatu ginen.
Hainbat galdera egin genizkion ordubeteko saioan eta gustora entzun genituen bere azalpenak.
Bukaeran, liburu bat oparitu zigun eskolako liburutegirako. Etorkizuneko idazle izateko hainbat aholku ere jaso genituen!!
Gaur, apirilak 24, San Antonera joan gara goiz-pasa egitera, naturaz gozatu eta hau aztertzeko. Bertako zuhaitz ezberdinak identifikatu ditugu (bertakoak eta inbaditzaileak), txorien kantuak entzun eta zeinenak diren bereiztu ditugu eta bertan aurki daitezkeen animalia ornodunen inguruan hitz egin dugu: ugaztunak, narrastiak, hegaztiak eta anfibioak.
Ondoren, atsedenaldi bat egin eta parkean hamaiketakoa egin dugu.
Azkenik, Pablo itsasargiko arduradunak faroko atek ireki dizkigu eta barrutik ikusteko aukera izan dugu, bere azalpenak entzun bitartean.
Eguraldiak lagundu digu eta goiz polita pasa dugu!!
Hello, friends!
Azken hiruhileko honetan laugarren mailako ikasleak e-Twinning proiektu baten parte hartzen jardun dira. Honen bitartez, Europako beste eskola batekin elkarlanean aritu dira ingelesez.
Eskola hau, Greziako hirugarren hiri handienean kokatuta dago. Begirada bat bota nahi badiozue hemen begiratu dezakezue! Patras school
Norbere eta ikaskideei buruzko informazioa partekatzen ikasten aritu gara. Inauteriak aitzaki hartuta jolas bat prestatu genuen, giroa alaitzeko!
Azkenik, asmakizun jolas gisa ikasle bakoitzak gelako kide bat aurkeztu zieten Greziako lagunei. Guk ere beraien lanak jaso ditugu eta gelan entzun eta hauek ezagutu ahal izan ditugu.
Ongi pasatu dugu eta oso aberasgarria izan da proiektua.
Kaixo denoi!
Gu lh3 eta lh4-ko ikasle batzuk gara. Bigarren ebaluaketako azken eguna da gaur eta gure lana zuekin partekatu nahi dugu.
Gure eskolako podcasta sortu dugu. Oso ondo pasa dugu, ea gure lana gustuko duzuen!
Klikatu irudian eta gozatu TXIKI PODCAST honekin:
Iaz bezala, ikasturte honetan ere Eureka Zientzia Museora joan gara. Aurten ere oso gustura ibili gara, hainbat gauza ikasiz.
Hamaiketakoa jan ondoren, bisita librearekin hasi genuen eguna. Ondoren, Lego Robotika tailerrean primeran pasa genuen, taldeka kotxe batzuk eraikiz eta programatuz.
Jarraian, Planetariumean «Zeruko Mugimenduak» bideoa ikusi genuen.
Eta azkenik, bazkal ondoren, berriz ere bisita librearekin gozatzeko aukera izan genuen.
Eguraldia lagun, primerako eguna igaro genuen!!
Historiaurrea proiektuarekin lotuta, dakizuenez, gaur goizean Arriaundi Tumulua ikustera joan gara. Eguraldi aproposa izan dugu ibilaldirako eta bertatik bertara ikusi ahal izan dugu Getarian bertan ditugun historiaurreko arrastoak.
Ondoren ondo merezitako hamaiketakoa egin dugu eta jolasteko denbora ere izan dugu. Primerako goiza pasa dugu!!
Iritsi dira hainbeste amestutako inauteriak!! Aurten lehen aldiz goizez ospatu dugu jaialdia eta giro onean aritu gara! Mozorroak txukun-txukun genituen bitartean, argazki pare bat ateratzeko aprobetxatu dugu:
Hiruhileko honetan Heziketa Fisikoan txokotan jolasean ibili gara. Kiroldegiko kanpo zein barne espazioetan bost txokotan egon diren proposamen desberdinetan ibili dira: jaurtiketak, harrerak, jauziak, lekualdatzeak, gorputz adierazpena, kirolak…lantzeko aukera izan dute.
Primeran ibili dira materiala zainduz, elkarri errespetatuz eta bukaeran dena txukun-txukun jasoz denon artean. Txokoen aukeraketa librea izan da, baina baldintza bakar batekin: «Txoko guztietan arituko gara!»
