-ENEEEE MARI DOMINGI, IKUSTEN AL DITUN UME EDER HAUEK?
-BAI OLENTZERO, A ZE UME JATOR TA EDER ASKUAK!
-HARTUKO NIKEN HAUEN INDAR ETA NERBIYUA GARAI HAUETAKO!
-TIRA TIRA POTXOLO, GU´RE UAINDIK BAZAKAGUK INGURUAK ASTINTZEKO GARRA!
-HARA, ARGAZKIYA NAHIKO DITINE HAUEK E. AIZU, TA IRAKASLEK E EZ DAKAE BA ITXURA MAKALA…
-IKATZA OLENTZERO! HAUEI ZAKUKA IKATZA BAKOITZAI!
Getariko eskolatik eguneko zentrora paseotxo bat baino ez dago, erraz egin daitekeena. Zeinen gertu gauden distantzian, urrutixeago urteetan barrena, ta ziurrenik, urrunegi eguneroko martxan. Etxera iritsitakoan, amari besarkada bat eman eta “maite zaitut” esateko esan dio Domingak haur bati eskuetatik helduta. 97 urte ditu eta berak badaki guk oraindik ikasteko dauzkagun gauza asko. Elkarrekin abestu dugu, eta bingoan jolastu, eta oso gertu sentitu gara, lau urteko haurrak eta noizbait lau urteko haur izan zinetenak. Momentua bizitzeko esan digute, ez egoteko ostiralaren zain poz hori gureganatzeko, beti dela orain, eta horrek inporta duela.
Eskerrik asko Teresa, Juan, Rosario, M.Angeles, Lore, Josefa, Eugenia, Dominga eta Josefina une goxo honengatik. Aurrerantzean, gertu izateaz gain, hurbil sentitu nahi zaituztegu, hoixe baietz!
Azken asteetan “Cat on the mat” ipuina landu dugu eta gure ikasleek primeran ikasi dute bai ipuina eta baita abestia ere.
Hementxe dituzue etxean elkarrekin ikus eta abestu ditzazuen.
See you soon!
Kaixo familia
Bukatu dugu iada Urdinen proiektua! Urdin ez omen da eskolara bueltatuko…aske bizi nahi du! Hori dela eta, gu joango gara noizean behin bera bixitatzera. Proiektu honekin, gure herriko bazterrak ezagutzeko aukera ederra izan da!!
Mila esker famili guztiei, proiektu honetan eskeinitako zuen laguntzagatik.
Bideoa ikusi ahal izateko, beheko irudian sakatu!
Dagoeneko amaitu dugu ingeleseko lehen proiektua: THE BALLOON. Oso gustura aritu gara istorioa antzezten eta abestia dantzatzen. Hementxe duzue abestiaren esteka zuen seme alabekin etxean abestu dezazuen: The balloon-song
Bye bye!!
Aste honetan, Ekhi-ren baratzara joan gara. Bere amak Urdin perikitoaren lumak aurkitu zituen han, eta gonbidatu gintuen ea perikitoa inguruan zegoen ikustera. Ez genuenez ikusi eta lan asko zegoenez egiteko, Edurnek, Ekhiren amak, lan-taldeetan antolatu gintuen: batzuk babarrunak biltzen aritu ziren, beste batzuk haiek zuritzen, talde batek piper eta alberjinak biltzen zituen, beste batek tomateak, beste batek kalabazak, eta azken taldeak barraskiloak hostoetatik kentzen ibili zen. “Mamu” txorimaloak, egiten genuen guztia ikusten egon zen uneoro!!!
Lan asko egin baina zein gustura ibili ginen bakoitza gure zereginetan!!!
Mila esker Edurne!!!
Beheko argazkian sakatu ezkero, bideoa ikusgai duzue.
Aurpegiak margotu, kalabazak hustu, kandelak piztu, hamaiketako beldurgarria prestatu…eta argi eta itzalekin batera dantzatu dugu!!! Ohitura zaharrak berreskuratuz, ederki pasa dugu Gau Beltza ospatzen!!!
Beheko irudian sakatu ezkero, bideoa ikusgai duzue!!!
Gaurkoan jo eta su ibili gara Afrikako Malik-en ipuinan landutako abestiak gogoratzen, honako hauek dira etxean entzun eta goxatzeko:
-Ghanatik, Kokoleoko
-Kinsashatik, Olélé
-Gorputz perkusioarekin, Simama Kaa
-Eta Kamerunetik, Make Tume Papa
Hemen gelako giroaren zatitxo bat!
Lurrean ere, Afrikako eguzki beroa irudikatu dugu Eguzki Politena abestia abestuz:
Arraultz formako marakatxoekin berriz, Tarantella Napoletanaren erritmoa primeran eraman dute gure HH4ko artista hauek. Gora musika!
Arratsalde on, familia:
Urte osoko abenturen ondoren, HH 3ko ikasle eta irakasleok ikasturtea amaitu dugu. Barre, negar, ikasketa, jolas eta abesti artean igaro dugu denbora, eta orain, agurra emateko garaia iritsi da.
Azken asteotan emozioz beteriko jarduerak izan ditugu, Eskolako jaialdia, gure inguruko parkera egindako irteera, azken hamaiketako berezia…
Ikasturte honetan hazi egin gara: hizkuntzan, harremanetan, emozioen kudeaketan eta baita autonomia pertsonalean ere. Gurasoen, hezitzaileen eta lagunen laguntzarekin pauso handiak eman ditugu.
Eskerrik asko urte osoan bidelagun izan zareten guztioi. Orain, atseden hartzeko eta uda zoragarri batez gozatzeko garaia da.
Agur eta laster arte!
Hemen gaituzue HH4ko ikasleak; batzuk agerian, besteak berriz zertxobait ixkutatuta.