Kategoria: LH4

LH4

Camping show

Iturzaeta

Ikasturtea amaitzeko emanaldi bikaina egin dute gaur LH4ko ikasleek.

“Camping” showa antzeztu dute ingelesez eta zuzenean ikusteko aukera izan dute bertaratu dire senideek.

Etorri ahal izan ez duzuenontzat hemen dituzue argazki batzuk.

 

EUREKA-ra IRTEERA
LH4

EUREKA-ra IRTEERA

Iturzaeta

Kaixo!

Aste honetan Eureka Zientzia Museoan egon gara eta oso ondo pasa dugu. Gauza desberdin asko ikusi eta ikasi ditugu bertan eta horiekin esperimentatzeko aukera izan dugu.

 

Lehenengo tailerrean, ekosistema desberdinetako animalia mota desberdinak ikusi eta ikutu ditugu. Beraiei buruz asko ikasi dugu eta esperientzia bikaina izan da. Bertan Koral faltsua, Pitoia, Kaiman dortoka, eskorpioia, iguana eta kamaleoia bezalako animaliak ezagutu ditugu gertutik.

 

Ondoren, museoa bisitatzen ibili gara eta bertako txoko desberdinetan jolasean ibili gara: elektrizitatearen gunean, indarra-neurtzeko txokoan, gorputzaren atal desberdinak ikusteko aretoan, ispiluen gunean… jolasean aritu ginen.

 

Azkenik, Lego-robotika tailerra egin genuen eta bertan, robot bat sortzeko aukera izan genuen. Horretarako, tabletean emandako pausoak jarraitu genituen eta konturatzerako, hori martxan jarri genuen!

 

Hemen eguneko irudi batzuk:

 

 

 

 

 

 

San Anton mendiko ekosistema ezagutzen
LH4

San Anton mendiko ekosistema ezagutzen

Iturzaeta

Kaixo, familia! 

Aste honetan, San Anton mendiko ekosistema ezagutzen izan gara Kaixo Musto elkarteko Angel Azpillagaren laguntzarekin. Berari esker bertako ekosistema ezagutzeko aukera izan dugu: zuhaitz bakoitza zein den identifikatzen irakatsi digu hostoen ezaugarriei erreparatuta, hegazti desberdinen kantuak identifikatzen ibili gara basoaren erdian, garai batean San Anton inguruko arrezifeetan bizi ziren sirenen istorioa kontatu digu, eta itsasargiek itsasontzientzat duten garrantziaz hitz egin digu. Goiza borobiltzeko, esperimentuak egiten ibili gara Blue Point lonjan.  

 

LUR GALLASTEGI IDAZLEA ESKOLAN
LH4

LUR GALLASTEGI IDAZLEA ESKOLAN

Iturzaeta
Apirilaren 8an, Lur Gallastegi idazle Bilbotarra izan genuen  gure artean. 
2.hiruhileko honetan, 2019an Xaguxar argitaletxearekin  argitaratu zuen “ETXEXOROTARRAK” liburua irakurri dugu gelan eta liburu horren aurkezpena egitera etorri zen atzo. Ikasleek idazlea gertutik ezagutzeko aukera izan zuten eta liburuaren aurkezpena egiteaz gain, berari zuzenean galderak egiteko aukera paregabea izan genuen. 
 
Mila esker Lur liburu honen baitan sortutako bizipenak gurekin partekatzeagatik!
 
 
 
 
 
 
LH3 · LH4

Iturzaetako 2.albistegia!!!

Iturzaeta

Kaixo kaixo!!!!!

2. ebaluazioko ikus entzun tailerrean prestatutako albistegia hemendik uzten dizuegu. Oraingoan Malen. Valentina, Ani, Libe, Xan, Mikel, Nerea, Jare, Izar, Ian, Eneko, Eki, MArkel eta Katherinek egindakoa da. Bertan albisteak, txisteak, errezetak, eskulanak eta hainbat lehiaketa ikusiko dituzue! Espero dugu pila gustatzea! Klik egin hurrengo estekan: https://www.canva.com/design/DAGe_l6B2ls/a-Hbvg8UMJLXOj11ZuVAeQ/edit?utm_content=DAGe_l6B2ls&utm_campaign=designshare&utm_medium=link2&utm_source=sharebutton

 

LH4

“A day in my life” project is finished

Iturzaeta

 

Aurreneko hiruhilekoan “A day in my life” proiektua landu dugu ingeleseko arloan.

Hiztegi ugari, orduaren adierazpena eta egitura ezberdinak landu ondoren bilduma eder bat osatu dugu denon artean.

Etxeetan ere ikus eta entzun dezazuen egin dugun lanaren zati bat, hemen duzue bideo hau.

Gustuko izango duzuela espero dugu.

LH4

Bueltan!

Iturzaeta

Zein azkar pasa diren Gabonetako oporrak! Orain gutxi txistorra jaten eta Olentzerori abesten ari ginen eta jada bihar Eskolara berriz! Lasai-lasai hasiko gara: egun hauetan egindakoak kontatu, Olentzerok eta Erregeek ekarritako opariei buruz hitz egin, etxerako-lanak jaso, abesti berriren bat ikasten hasi…

Bihar goizeko 09:00etan LH4 gelan elkar ikusiko dugu!