Hiruhileko honetan Historiako Aroak, denbora lerroa, gerrak, gerrak Euskal Herrian eta euskaldunak gerran… Getariako eta Euskal Herriko pertsonaia historikoak landu ditugu.
Gernikara eraman gaituzte askotan, eta guk ere gure Gernika egin dugu. Ederra izan da proiektua, eta ederra lana… orain oporrak!

ARGAZKIAK

Donostiako Zientzia Museoan, Eurekan, izan gara gaur. Hamaiketakoa egin eta Museoan ibiltzeko denbora izan dugu Animalien tailerrera sartu aurretik. Han Imanolek hainbat azalpen eman dizkigu narrastien inguruan eta batzuk ukitzeko aukera ere izan dugu! Jarraian Planetariumean zeruko mugimenduen inguruan aritu gara. Ondoren parkean bazkaldu dugu eguzki goxotan eta arratsaldean berriz Museora. Ederra eguna!

Hello everyone!

Dagoeneko amaitu dugu ingelesean “The woman I admire” proiektua. Gauza asko ikasi dituzte  hiruhileko honetan zehar: gorputz atalak identifikatzen, beren buruak eta ingurukoak deskribatzen eta garrantzitsuena: miresten duten emakumea deskribatzen. 

Ostiralean martxoak 8 denez, “International Women’s day”, ikusi zer nolako erakusketatxoa prestatu duten:

Bosgarren mailako lagunek bisita gidatua eskaini digute herrian zehar. Zenbat gauza ikasi dituzten eta zein ondo azaldu dizkiguten… Zoragarria izan da!!!

Historiako aroak, denbora lerroa, biografiak… proiektuan buru-belarri gabiltza. Historiako aroen eta aro aldaketa ekarri zuten gertakarien inguruan sakontzeko Etxahun etorri da gelara eta hainbat azalpen interesgarri eman dizkigu. Eskerrik asko, Etxahun!

Eta iritsi dira azkenean inauteriak! Ipuinetako hainbat pertsonaje elkartu gara gelan. Inauterietako ipuina entzun, eta Eskolako lagun guztiekin batera kiroldegira jaitsi gara musikak lagunduta.

Irakasleak izan dira dantza egiten lehenak; ez dute gaizki egin! Txikien dantzak ikusi ondoren iritsi gure txanda; ederki egin dugu eta txalo zaparrada jaso dugu! Ondoren txokolatea eta opila jan eta jolasak egin ditugu Lehen Hezkuntzako ikasle guztiok nahastuta: zapiaren jolasa, maletarena, makarroiarena, zaku karrera… gustura aritu gara!

Bukatzeko pixka bat jolastu eta etxera! Hiru egun eta erdi ditugu deskantsatu, etxekoekin egon, lagunekin jolastu… nahi duguna egiteko. Etxerako lanik gabe gainera!