Hilabetea: azaroa 2025

LH3

Kondairak

Iturzaeta

Zergatik da itsasoa gazia? Zergatik dago zerua hain urrun? Zergatik dauzkagu eguna eta gaua? Galdera horiei erantzun ezberdina ematen diete zientziak eta mitologiak. Gu horiek aztertzen gabiltza buru-belarri 2. proiektu honetan.

Kontinente ezberdinetako kondairak entzuten aritu gara azken egunetan. Gaur, berriz, luxuzko bisitak izan ditugu gelan:  Teodoraren ama eta Aiurren aitona.

Pakok San Anton mendiaren jatorriari buruzko kondaira kontatu digu. Gehienentzat berria izan da Keta gaztearen istorioa. Ruzhicak, bestalde, Mazedoniako kondaira eta pertsonaia mitologikoak ekarri dizkigu gelara. Guztiak ere oso interesgarriak.

Belaunaldiz belaunadi etxeetan kontatu izan diren kondaira, elezahar eta istorio asko galtzen ari direla ikusita, horiek jasotzea izango da gure hurrengo erronka. Ez dadiala  haria eten! Eskerrik asko Pako eta Ruzhica!

 

LH3

Hello!

Iturzaeta

Dagoeneko amaitu dugu gure lehen proiektua “GOING TO A RESTAURANT”. Gure ikasleek beraien jatetxeak eta menuak sortu dituzte. Ikasi dugun guztiarekin prest gaude jatetxeetan ingelesez egiteko!

 

Gure ametsetako jatetxeak
LH3

Gure ametsetako jatetxeak

Iturzaeta

Pasa den ostiralean, jatetxe bihurtu genituen eskolako ikasgelak. LH3ko ikasle bakoitzak familiako kide bat gonbidatu zuen bazkaltzera eta horrelaxe, erreserba liburuak berehala bete genituen “Izarra” eta “Iturzaeta” jatetxeetan azaroaren 7rako.

Proiektuan zehar ikasitakoa aplikatuz, menu osasuntsu eta jasangarriak prest geneuzkan. Eskolako baratza erabili dugu hainbat osagai lortzeko:  letxua, tomatea eta piperrak entsaladarako eta kuia edo kalabaza krema gozo-gozoa egiteko. Familien laguntza ere ezinbestekoa izan da gure menuak osatzeko. Denetik ekarri ziguten gure hornitzaileek: txibiak, izokina, hummusa, patata tortilla, jogurta, arandano pastela, galletak, pancake-a…

Sukaldari eta zerbitzariak, bakoitza bere lanean fin aritu ziren eta emaitza ere halakoxea izan zen. Tripa ondo beteta, kafea eskatzera ere ausartu ziren bezero batzuk! 

Hamabina pertsonarentzat bazkaria prestatzeak atzetik dakarren lan guztiaz jabetzeko balio izan digu proiektuak eta asko ikasi dugu elkarrengandik. Gure ametsetako jatetxeak egiazko bihurtu ditugu eta honekin, amaiera ezinhobea eman proiektuari. Nekatuta, baina oso pozik bukatu genuen eguna, sobratu ziren postreekin guk ere barruak gozatuz (azken hau ez inori kontatu, eh?).