Kaixo familia:

Aste honetan egiten ari den eguraldi kaxkarra aztertzen ibili gara; euria, haizea, txingorra….eguraldiak egunero izan du zer esana!

Getaria-Zarautz errepidea zergatik itxi duten galdetu diegunean, erantzunak ugariak izan dira; itsasoa haserre dagoelako, euri asko egin duelako, olatu haundiak daudelako….

Olatu haundiak daudenean eta errepideraino iristen direnean, oinez zein autoan doazenak,  arriskuan daudela ohartu gara.

Bestalde, euri asko egiten duenean mendietako lurra bigundu eta gainean dauden harriak errepideraino erortzeko arriskua izaten dela ere ikasi dugu.

Aldi berean “Oles, ole lurra esna zaitez ” abestuz,  makilarekin lurraren kontra kolpeak jotzen gabiltza Santa Ageda bezpera ospatzeko….ez ote dugu guk geuk lurra gehiegi astindu….