GABONAK ONDO ONDO PASA ETA URTE BERRI ON GUZTIOI!!!!!
Egilea: Iturzaeta
SORGINEN ANTZERKIAK
Kaixo familia:
Sorginen antzerkiak buru-belarri prestatzen ibili gara eta gaur LH4ko ikasleei eta irakasleei, gure emanaldia eskaini diegu. Urduri ginen baina oso ondo atera da guztia!!!
Ikusi nahi al dituzue? Sorginen inguruan ikasi dugun guztia eszenatokira eraman dugu: infusioak, sendabelarrak, kikilisaldak, sorginen esaldiak, algarak, akelarreak, dantzak… guztiak 4 antzezlan ttikitan ikusiko dituzue.
Eta honekin beldurren proiektuari bukaera emango diogu!!!
Orain, pasiloak eta gelak gabon kontuekin apainduko ditugu!!
Ea gustukoak dituzuen!!!
GURE BELDURRAK
Kaixo familia:
“Gure beldurrak” proiektuaren azken txanpan gabiltza!
Beldurrei buruz hitzegiten hasi eta hauei nola egin aurre jakin nahi genuen. Bestalde, guztiok sorginei beldurra geniela konturatu ginen. Beraiei buruz gehiago ikasi nahi genuenez, segituan sorgin etxola, kikilisaldak, ukenduak, infusioak….egiten hasi ginen.
Sendabelar batzuk identifikatzen ikasi dugu baita sorginen ohiko esaldiak oihukatzen ere. Irrintziren bat edo beste ere entzun da eskolako pasiloetan. Je!je!
Orain, proiektuari bukaera emateko, sorginei buruzko antzerki labur batzuk ensaiatzen gabiltza.
Ikasi, ikusi eta bizi izan dugun guztiaren laburpentxo bat, beheko irudia sakatuz, bideo batean ikusgai topatuko duzue.
IJI AJA
ASTINDU ERRATZA
ETA EGIN DEZAGUN
DANTZAAAAAAA!!!!
1.HIRUHILEKO ABESTIAK
Kaixo familia:
Beheko irudian sakatuta eta ondoren abesti bakoitzaren gainean klikatuta, hiruhileko honetan abesten eta dantzatzen ari garen “pieza” guztiak dituzue.
Gozatuuuu!!!!
BARATZARA!!!
Eguraldiak lagun, aurreko astean Edurneren baratzara joan ginen. Elkarlanean, etekin asko atera genion goizari.
Asko ikasi dugu Edurnerekin. Beheko bideoan zein gogotsu eta gustora ibili ginen ikusiko duzue!
Altza porruuuuuuuu!
EITZA ALDERA GOIZPASA
Iraileko eguraldi ona aprobetxatuz, Eitza auzora joan gara.
Bidean txakolindegiko langileak mahatsa biltzen aurkitu ditugu eta mahatsa dastatzera gonbidatu gaituzte.
Pixkat aurrerago Eitzara iritsi eta behiei jaten ematen ibili gara.
Hamaiketakoa bukatu ondoren lurrarekin jolasean ibili gara.
Hostoak, gaztainak eta ezkurrak biltzen bueltatu gara eskolara. Goiz ederra izan da, naturarekin murgiltzen garen bakoitzean izugarri gozatzen dugu!
