Hiruhileko honetan Historiako Aroak, denbora lerroa, gerrak, gerrak Euskal Herrian eta euskaldunak gerran… Getariako eta Euskal Herriko pertsonaia historikoak landu ditugu.
Gernikara eraman gaituzte askotan, eta guk ere gure Gernika egin dugu. Ederra izan da proiektua, eta ederra lana… orain oporrak!
Kaixo denoi!
Gu lh3 eta lh4-ko ikasle batzuk gara. Bigarren ebaluaketako azken eguna da gaur eta gure lana zuekin partekatu nahi dugu.
Gure eskolako podcasta sortu dugu. Oso ondo pasa dugu, ea gure lana gustuko duzuen!
Klikatu irudian eta gozatu TXIKI PODCAST honekin:
Donostiako Zientzia Museoan, Eurekan, izan gara gaur. Hamaiketakoa egin eta Museoan ibiltzeko denbora izan dugu Animalien tailerrera sartu aurretik. Han Imanolek hainbat azalpen eman dizkigu narrastien inguruan eta batzuk ukitzeko aukera ere izan dugu! Jarraian Planetariumean zeruko mugimenduen inguruan aritu gara. Ondoren parkean bazkaldu dugu eguzki goxotan eta arratsaldean berriz Museora. Ederra eguna!
Emakumeon eguna ospatzeko gaiaren inguruan hitz egin eta Konplize ditut eta abestu dugu. Hemen dituzue bideoak.
Hello everyone!
Dagoeneko amaitu dugu ingelesean “The woman I admire” proiektua. Gauza asko ikasi dituzte hiruhileko honetan zehar: gorputz atalak identifikatzen, beren buruak eta ingurukoak deskribatzen eta garrantzitsuena: miresten duten emakumea deskribatzen.
Ostiralean martxoak 8 denez, “International Women’s day”, ikusi zer nolako erakusketatxoa prestatu duten:
