Aste osoan etxean entrenatzen ibili eta gero, ostiralean Iturzaetako I. Partxis Txapelketa jokatu genuen. Bukatu dira oporrak, landu garuna, laguna! Pentsatu, kontatu, poztu, galtzen hasi eta irabazi, ia-ia irabazi baina galdu… Beti ezin baita irabazi!
Jarraitu etxean mahai jolasetan, partxisean, karta-jokoan… edo dena delakoan, jolastu/ikasi elkarrekin!
Astebeteko irristaketa ikastaroa egin dugu. Ipurdiko batzuk hartu arren, ederki ibili gara; eskerrik asko, Amets eta Zanbuka Guraso Elkartea!
Astero abesti bat kantatu/ikasiko dugu. Lehenengoa Paris izan da, eta hurrengo kantak ere aukeratu dituzte, talde bakoitzak bana.
Gozatu guk beste!
Paris (Izaro)
https://youtu.be/__9TadDNrDQ?si=40f8l2eAyHxr9dIz
Guretzat (En Tol Sarmiento)
Sunday (Sune)
https://youtu.be/Ka2o1PcvLzo?si=MeVQYy0OGwDVJMRH
Gu geu garena
https://youtu.be/Dz0-oz6NB6M?si=8CFn_bWkj5MMnrsX
Abuela maitea (En Tol Sarmiento)
Kaixo denoi. LH3 gelakoak gara orain! Ikasturtea ederki hasi dugu, gogotsu; lan egin, irakurri, jolastu, jolastuz lan egin, ikertu, irakurri, aztertu, pentsatu, proposatu, irakurri, gozatu, azaldu, irakurri… denetarik egingo dugu. Gurasoak ere gonbidatuta zaudete gelara, proiektuetan zuen parte hartzea ongi etorria izango da eta.
Atsedenaldiak ere izaten ditugu, beitu zein ondo gauden txoko lasaian!
Egun polita pasa genuen Askizun. Egun beroa izan zen baina ederki freskatu ginen Askizuko iturrian; denok elkarri ura botatzen kantinplorak beteta. A ze festa!!!
Balentziaga museora bisita izan genuen; lehendabizi museoko erropa bilduma ikusi genuen eta ondoren ikasleak izan ziren artista bihurtuta beraien kamiseta diseinatu zutenak. Gustora aritu ziren artista lanetan!
Aurreko astean guraso batzuren bisita izan genuen, beraiek aukeratutako liburu bat irakurtzera etorri ziren. Ikasleak gustora agertu ziren bisita hauekin. Eta bide batez beraiek ere haur hezkuntzako 5 urteko umeei, bikoteka ,beraiek aukeratutako liburu bat irakurri zieten. Milesker.
Ostegun arratsaldetan tailerren eguna izaten da, lehenengo eta bigarren mailako ikasleak batera egoten gara hiru talde osatuz. Aurten hiru tailer daude: lasaiketa, musika eta antzerkia.
Lasaiketa tailerrean gorputza mugitzen dugu, “Beni eta Belaren” laguntzarekin lasaitzen gara eta yogako postura batzuk ere ikasi ditugu. Musika tailerrean abestu eta dantza egiteko aukera izaten dugu. Antzerki tailerrean aldiz, gure ahozkotasuna, adierazpena eta sormena lantzen dugu ingelesez.
Ikusi, ikusi… nola moldatzen garen!!
Gorputz Hezkuntzako saioetan proiektu desberdinak lantzen ibili gara: jolas kooperatiboak, txokoetan jolasten, jolasak baloiarekin eta ipuin motorea: Munstro Harrapatzaileak. Zein izango da hurrengoa?
Akrosporta eta Mimoa tatamian!
Aurreko proiektuetako irudi batzuk:
Eguzki sistema proeiktuaren lanketan ibili gara buru belarri. Interes handia erakutsi dute haseratik eta etxetik ere hainbat material ekarri dituzte gelan ikusteko eta lantzeko. Gaiaren bukaeran lapbook bat egin dugu gogo eta ilusio handiz.
