Kaixo, familiak
Ari gara pixkanaka gure abesti bilduma osatzen: Lepoan hartu eta segi aurrera, Guk euskaraz, zuk zergatik ez, eta asteartean, urriak 28, San Simon eta San Juda ikasten hasiko gara. Letra-egileen eta abeslarien izenak ere ikasi ditugu: Telesforo Monzon, Pantxoa eta Peio, Gabriel Aresti, Urko eta Xabier Lete.
Hemen dituzue abestiak; kantatu denok batera eta gozatu!
3. mailako lehen proiektuan murgilduta gabiltza azken asteotan. “Gure ametsetako jatetxea” izena jarri diogu eta horretan gabiltza, amesten eta ikasten.
Proiektuaren barruan, herriko jatetxe bat ezagutzeko aukera izan dugu aste honetan: Txoko. Beso zabalik eta parrilla piztuta egin ziguten ongietorria Maialen, Enrique eta Manuk. Parrillaren historiaz eta bilakaeraz hitz egin, “kelepario”-ren osagai sekretuak asmatzera jolastu eta arraina nola erre erakutsi ziguten. Guk, bitartean, prestatuta eraman genituen galderak egin genizkien banan bana. Pazientzia handiz eman zizkiguten azalpen guztiak, eta emandako aholkuak ere erabilgarriak izango zaizkigu gure jatetxea osatzeko.
Sabela eta koadernoa ondo beteta itzuli ginen gelara. Eskerrik asko bihotzez. Zoragarria izan da Getariako historia eta gastronomia bertatik bertara ezagutzeko aukera izatea. Nork daki, agian, gure artean etorkizuneko sukaldariren bat egongo da! Suak piztuta jarrai beza!
Bukatu dugu irristaketa ikastaroa! LH3A taldekoak lehenengo eta LH3Bkoak jarraian, launa eguneko ikastaroa egin dugu Ametsekin. Gustatu zaigu, ipurdiko galantak ere hartu ditugu baina! Hemen dituzue argazki batzuk.
Donostiako Zinemaldira!
Hasi dugu abentura
Torreoian ere geldialdia
han bazkaltzeko gustura
Gate Gainetik ikus daiteke
Getariaren itxura
Itsasoaren kulunkarekin
gure txangoa amaitu da
Eskolakoaz gain Sahatsaga parkean ere badugu baratza txiki bat. Ostiralean barazkien lehiaketan parte hartu genuen, baina aurretik baratza ikustera joan ginen, artoa, babarruna, ekilorea… Gustura entzun genituen Nagoreren azalpenak. Zuek ere begiratu hortik pasatzen zareten hurrengoan!
Lehenengo astea egin dugu; elkar ezagutu eta martxan hasi gara: agendak, nahiak, lanak, arauak, antolaketa, ataria, irteerak… zenbat gauza!
Haize pixka bat hartu eta taldea hobeto ezagutzeko asteazkenean San Antongo mendian izan ginen, hemen Katxapon eta bidean ateratako pare bat argazki.
