Pasa den ostiralean Cristobal Balenciaga Museora joan ginen. Bertan diseinatzaile getariarraren bizitzaz zerbait gehiago ikasi genuen, erakusketa zoragarria ikusi eta ondoren tailerra burutu genuen. Tailerrean LH2ko ikasleak izan ziren diseinatzaile: diseinua pentsatu, marraztu eta ondoren kamiseta zuria apaindu zuten margo eta artile koloretsuak erabiliz. Poz-pozik atera ziren kamisetak soinean!
Udazkenari Donostiako Zinemaldiarekin eman genion hasiera, TOTORO filma ikusi genuen eta ondoren Oriora joan ginen bazkaltzera eta jolastera. Geroago, azaroan, Iturraranera bisita egin dugu erleei buruz gehiago ikasteko. Bertan pista jolasean aritu ginen eta argizariarekin kandela bat egin genuen. Pena eguraldi txarragatik lehenago bueltatu ginela eskolara!
Uraren proiektuaren harira, gaurko musika saioan udazkeneko hotsak zeintzuk izan daitezkeen zehazteaz gain (txoriak, haizea, trumoia, euria, hosto lehorren zapalketa…), urarekin musika egin daitekela baieztatu dugu. Vanuatuko emakumeak ikusi ditugu urarekin musika egiten eta koloreztatutako baita Do-ren eskalan afinatutako ur potetxoekin jolasean ibili gara.Gora musika!
