Kaixo familia.
Hemen dituzue hiruhileko honetako abesti eta asmakizunak.
DONOSTIAKO KRISTINA ENEA PARKEAN
Maiatzaren 29an, asteazkena, Donostiako Kristina Enea parkera joan ginen. Basoan sartu bezain laister, “Txingu” ezagutu genuen, bertan bizi den iratxo bat. Bere etxea zuhaitzak dira eta, hosto eta zuhaitzetako fruituak jaten dituela kontatu zigun. Txinguk, bere baso polita ere erakutsi zigun, baita bertan dauden hainbat gauza; zuhaitzak, animaliak, intsektuak… Lehendabizi esan ziguna, zera izan zen: basoan zehar ezagun batekin ibiltzea komeni dela, bertan galtzen diren ume eta helduak bertan gelditzen direlako betirako.
Basoan gora eta behera ibili ginen, hainbat bidezidorretatik. Laku handi batean pila bat ahate zeuden eta Txinguk ahate arra eta emea bereizten erakutsi zigun. Ahate guztiak marroixkak jaiotzen direla baina hazi ahala buruko kolorea aldatuz joaten direla ere kontatu zigun. Burua urdin-berdexka izanez gero arrak direla, eta aldiz, burua marroixka gelditzen zaienak, emeak. Aintziraren beste aldean zisneak ere bazeuden.
Basoan zehar zegoen bidezidor batean sartuaz batera, zuhaitzen inguruko informazio ugari eman zigun eta hiru zatitan banatzen dela azaldu zigun: sustraiak, enborra eta adar-hostoak. Txinguk, aipatu zigun, sustraiak ura xurgatzeaz arduratzen direla, enborrak ura garraiatzeaz eta adar-hostoak sukaldatzeaz.
Horrez gain, zuhaitzei besarkatzea gustatzen zaiela eta kilimak egitea. Zuhaitzak beraien artean sustraien bidez besarkatzen eta kilimatzen dira, baina Txinguk guk nola egin behar dugun erakutsi zigun: Kilimak, salto txikiak edo korrika suabe eginaz.
Ibilbidean zehar, Txinguk bere bi lagun aurkeztu zizkigun: ipuin kontalaria eta Pedro(zuhaitza). Ipuin kontalariak , ipuin labur bat kontatu zigun, aldiz Pedrori “Zorionak Zuri” abestu genion. 100 urte betetzen ditu eta guztion artean zaindu behar dugula kontatu zigun. Lagunak ezagutu ondoren, intsektuen hotela erakutsi zigun. Intsektuak eguraldi txarra dagoenean eta, lo egin nahi dutenerako etxetxo bat daukate eginda; ikaragarri gustatu zitzaigun.
Primeran pasatu genuen Txingurekin Kristina Eneako basoa ezagutzen. Ondoren, gure kabuz basoa arakatzen eta gozatzen aritu ginen.
ORIORA IRTEERA
Kaixo!!
Aurreko ostiralean Oriora egin genuen irteerako bideotxo bat duzue ikusgai beheko estekan.
Zuen gustukoa izatea espero dugu!
AITA MARI ONTZIA GETARIAN
Aita Mari erreskate ontzia, Getariko portura iritsi da eta HH4ko ikasleak, gaur goizean bisitatzeko aukera izan dugu.
Aita Mari laguntza humanitarioko itsasontzia da. Migratzaileen eta errefuxiatuen errealitateari buruz hitzegin digute. Erreskatatzen dituzten migratzaileen toki berean eseri gaituzte eta erreskatatzen dituztenean; janaria, mantak, sendagaiak eta arropa lehorra nola eskeintzen dizkieten kontatu digute.
Ontzi guztia erakutsi ondoren, beraien jangelara gonbidatu gaituzte, txokolatina bana oparitu digute eta guk beraiei “Joxe Mielen batela” abestu diegu.
AUPA JOXE MIEL ETA AITA MARI!!!!
ARRANTZA
ARRANTZA
Arrantza proiektuarekin aritu gara hiruhileko honetan.
Portura egin ditugun irteerekin eta familien bisitekin baporeen joan-etorriak, arrain motak, baporearen zatiak, txalupak, arrantzarako materialak… ikusi eta ikasi ditugu.
Asko gozatu dugula esan behar dugu!
Familien partehartzea zoragarria izan da eta eskerrak eman nahi dizkizuegu.
Proiektuari lotutako bizipen eta pasarte guztiak, beheko bideotxo honetako esteka honetan dituzue ikusgai.
Gozatu!
2.HIRUHILEKO ABESTI, OLERKI ETA ASMAKIZUNAK
Kaixo familia:
Hemen dituzue hiruhileko honetan, abestu, dantzatu eta asmatu ditugun abesti, olerki eta asmakizunak. Gehienak, zuen seme alaben ahotsekin grabatuak daude. Gozatu!!!
INAUTERIAK-TRAPU ZAHARRAK
Aurtengo inauterietan Haur Hezkuntzako ikasleek beraien etxeetatik ekarritako trapu zaharrekin mozorroak sortu egin behar zituzten. Zertaz mozorrotu nahi duzue ? “ni espidermanetaz!”, “ni pirataz!”, “nik erregea izan nahi dut!”.
Mozorroak prestatu ahal izateko, osagarriak nola egin pentsatu eta egiteari ekin diogu; kapak, karetak, gerrikoak, koroiak….
Mozorroak prestatzen asko gozatu dugu!!!
GOIZ PASA EDERRA EGIN DUGU HONDARTZARA!
Eguraldi ona aprobetxatuz, hondartzara joan gara jolastera.
Beheko loturan duzue ikusgai pasa dugun goiz eder honen bideotxo labur bat.
1. HIRUHILEKO ABESTI, OLERKI ETA ASMAKIZUNAK
KUKURUTXA PROIEKTUA AMAITU DUGU
Gure eskolako atarian, harritxoen azpian, egunero kukurutxa pila bat topatu izan ditugu eta hori dela eta, kukurutxaren proiektua egitea erabaki dugu.
“Zer jaten dute?”
“Non bizi dira?”
“Zenbat hanka dituzte?”
“Zenbat urtez bizi dira?”
Lehenengo, proiektu guztietan bezala,informazio bilketa bat egin dugu eta txoko zuria prestatu dugu.
Asko ikasi dugu!
4 antena eta 14 hanka dituzte. Lurrazpian bizi dira eta belarra eta hostoak jaten dituzte. 3 urtez bizi dira gehienez eta zentimetro 1 inguru neurtzen dute. Beldurtzen direnean, bola egiten dira beraien burua defendatzeko.
Informazio honekin guztiarekin liburuska bat sortu dugu.
Atarian, harritxoen azpian, kukurutxa asko topatu ditugu eta gure geletan kukurutxak izateko bizitoki bat prestatu diegu.
Harritxoen gainean egur xafla batzuk ipini ditugu kukurutxa gehiago aurkitzeko asmotan. Esaten da kukurutxei egurrak berotasuna ematen diela, baina gure egurretara ez dira hurbildu!
Eskulanak ere egin ditugu. Hau egiteko “goma eva” erabili dugu.
Proiektuarekin amaitzeko, denon artean RAP bat asmatu dugu.
Lehenengo, musika oinarri bat aukeratu dugu.
Ondoren, honen gainean, guk asmatutako hitzak abestu ditugu.
Amaitzeko, bideoklip bat grabatu dugu.
“KUKURUTXA KUKURUTXA
HAU IZAN DA GUZTIA
DENOK ESPERO DUGU
GUSTOKUA IZATIA”