Kaixo familia:
Azkenaldian parrandan gabiltza! Gaurkoan Donostiako Cristina Eneara egin dugu irteera. Autobusak parkearen oinetan utzi gaitu eta tipi-tapa jolas parkean hamaiketakoa egin ondoren “Marrubitxo” ezagutzera joan gara. Parkearen goikaldean gure zain zegoen Marrubitxo eta bere etxea zein den erakutsi digu Marrubitxoren agurra azaldu ondoren.
Bere etxeko lagunak aurkeztu dizkigu: Ahate ar, eme eta kumeak, beltxarga, igelak, baita hainbat zuhaitz ere. “Irritxo anaiak”, Secuella gorriak, munduko zuhaitz handienetarikoak dira eta hiruak besarkatuz konturatu gara iletxoak dituztela. Marrubitxok esan digu suteetatik babesteko direla ileak. “Pedro Cedro”k gaur 100 urte bete ditu eta zorionak abestu diogu. Tximistak erretako zuhaitza eta azkenik “Ginko Biloba” zuhaitza ezagutu dugu begi, sudur, aho eta guzti. Txinatarra da zuhaitza eta atzo Marrubitxori kontatu zion ipuina entzun ahal izan dugu, kolore grisa zuten txori batzuena hain zuzen ere. Ea zuen txikiek kontatzen dizueten ipuina. Ipuin horri esker dakigu Paumek zergatik duten hainbesteko kolore beraien lumetan. Eta bai, azkenean pauma ikusteko aukera izan dugu eta nahiz eta lumak ez ireki, kolorez beteta ikusi dugu. Ederra benetan!
Gozatu dugun lagun artean eta naturarekin kontaktu zuzenean.
