Kaixo lagunak!
Hemen dituzue entzungai Eskolan dantzatu eta abesten ditugun kantu eta olerkiak.
TXO KO LA TE
NEGUKO OPORRAK
Egun on, familia!
Neguko oporrak etorri dira eta azkenengo eguna berezia izan da gure Eskolan. Amona-xaharrak, aitona-xaharrak, musikariak, baita Olentzero eta Mari Domingi ere bertan izan ditugu. Guraso Elkartekoek prestatu dizkiguten ogitartekoak… denetarik izan dugu. Primeran ibili gara Eskolako guztiekin batera abestuz. Orain indarrak berreskuratzeko unea iritsi zaigu. Bueltan elkar ikusiko dugu. Bitartean, ondo pasa!
Armiarma!
Egun on familia!
Dakizuen moduan Eskolan erakusketa antolatu dugu gure proiektuari amaiera emanez. Bidean gure zalantzak argitu ditugu eta bitxikeria uguarirekin topatu gara. Ez genuen uste hainbeste armiarma ezberdinekin topatuko ginenik! Tarantula urdina, Tigre armiarma, Indioilar armiarma…Tarantula Goliat gure eskua baino handiagoa da eta Bilbon dagoen “Ama” eskulturak ia gure eskola adina neurtzen du! Dagoeneko ikasi dugu pozoia dutela eta kontuz ibili beharra dugula. Ez ditugu ukituko ez eta zapalduko ere ez badugu intsektuen artean bizi nahi behintzat (Intsektuak jaten dituzte!).
Erakusketa ikusi ezin duzuenontzat hementxe gure haurren azalpenak. Ea gustuko duzuen!
ERAKUSKETA
Egun on familia!
“Armiarma” proiektuari amaiera emateko erakusketa bat antolatu dugu gure eskolako lehen solairuan. Etorri eta gozatu!
….eta etorri ezin duzuenok, lasai, zerbait ari gara prestatzen!
Laister arte
ARMIARMA EZAGUTUZ
Egun on familia!
Armiarma proiektuan murgilduta jolastuz ikasiz goaz. Etxetik informazio asko jaso dugu; Lankideak etorri dira Bilboko armiarma erraldoiaren berri ematera eta adi-adi entzun ditugu bere azalpenak; 4 eta 5 urteko lagunek armiarmak ekarri dizkigute eta guk mikroskopio digitalarekin aztertu egin ditugu; Hainbat eskulan egin ditugu.
Eta oraindik armiarma bitxiak ezagutzeko prest gaude!
GAU BELTZA
Kaixo familia!
Gaur Gau Beltza ospatu dugu gelan. Mamuak, sorginak, armiarmak… A ze beldurra! Baina lasai, jolasean beldurrak uxatu ditugu!
ARMIARMA
Egun on familia:
Dakizuen moduan “Armiarma” proiektuari hasiera eman diogu gure geletan. Jakin mina sortu du gelan azaldu den armiarmak eta galdera asko ditugu argitzeko. Zuen laguntza ere hasi gara nabaritzen gelan. Mila mila esker!
1.HIRUHILEKO ABESTI ETA OLERKIAK
Kaixo familia!
Entzun nahi al dituzue eskolan abesten eta dantzatzen ditugun abesti eta olerkiak?
Klikatu jarraian!
ONGI ETORRI IKASTURTE BERRIRA! · 2023-2024 Ikasturtera
Kaixo familia!Gogoz eta ilusioz hasi dugu ikasturte berria! Dagoeneko 3 urtekoen gelan gaude eta espazio anitzak ditugu ikertzeko. Lagun artean ondo pasatzeko prest gaude. Hasi dadila festa!
