Iepala Joxepa!
Yoga saioa izan dugu eskolan. Arnastu, luzatu, erlaxatu… Eguna hasteko primerakoa!
UDABERRIA HELDU DA
IEPA JOXEPA!
Udaberria atsegin dugu. Gure atariko lorategian loreak hazten ari dira. Egunero gabiltza kimuei begira noiz lorea aterako zain. Gelan ere gure haziak landatzen aritu gara. Lurra, ura eta argia behar dute. Ea hazten diren gure babarrun, txitxirio eta lenteja landareak.
BELDAR JATUNAK
Arratsalde on familia!
Beldarrak ditugu gelan. Arrautza ñimiño batzuetatik jaio dira eta oso jatunak dira. Masustaondoko hostoak soilik jaten dituzte eta handitzen doaz. Ipuin batean irakurri dugu tximeleta bihurtzen direla. Egia ote?
ITSASOKO ANIMALIAK IZOZTUTA
Iepala!
Gaur gure gelako itsasoko animaliak izoztuta aurkitu ditugu. HOTZAK, BUSTIAK, GOGORRAK, PIXKANAKA URTZEN… ETA AZKENEAN ASKATU DITUGU!
KALDEREROAK
Arratsalde on!
Azken hilabetean mozorro eta iñauterietan murgilduta ibili gara gure gelan. Azkenean, ostirala iritsi eta prestatuta genuen dantza eskaini genuen gure lagun eta familien aurrean. Ikusterik izan ez zenuenentzat hona argazkia.
2.HIRUHILEKO ABESTIAK ETA OLERKIAK
Kaixo familia!
Jarraian entzungai dituzue 2.hiruhilekoan abesten eta dantzatzen ditugun abesti eta olerkiak.
TXOKO – TXOKO, LA-LA
Kaixo – kaixo!
Txokolatea maite dugulako…
Txoko-txoko la-la
txoko-txoko te-te
txoko la, txoko te
txoko la te!!!1
ELURRA TEILATUAN…
Kaixo familia!
Gaur elurra ikusi dugu gelako leihotik baina berehala desagertu da. Elurrarekin jolastu nahi genuenez guk geuk egin dugu elurra. Ikusi nahi al duzue?
GABONAK GABONAK
Egun on familia!
Opor aurreko eguna festa giroan pasa dugu gure Eskolan!
Baserritar jantziak, kantuak, dantza, hamaiketako goxoa… irrifarra ahoan dugula
amaitu dugu ikasturte honetako lehen hiruhilekoa. Primeran pasa dugu!
Gozatu familian opor egun hauek eta urtarrilean indar berrituta bueltatuko gara!
Besarkada handi bat
GURE ESKOLAKO TXITAK
KAIXO FAMILIA!
Badira egun batzuk gure Eskolan txitak jaio direla. LH1eko lagunen gelan txitak jaio dira! Inkubadoran izan dituzte 21 egunez eta jaio dira azkenean! Ezin izan dugu ikusi gabe gelditu eta bisitan joan gara birritan. Nereak azalpenak eman dizkigu, nondik jaio diren, zer jaten duten, argi gorria zertarako den…Bata, horixka, bestea, marroixka. Bada baita beltza den txita ere! Gu bezalaxe, anitzak gure Eskolako txitak! Gora aniztasuna!
