Iritsi da opor-aldia!

Zenbat emozio sentitu ditugun hilabete hauetan zehar, ene! Baina zeinen polita izan den azkeneko eguna; haur guztiak elkartzea, elkarrekin abestea eta dantzatzea… Aupa gu!!

Atseden hartu, eta indartsu bueltatu!!

 

Zuen eskola ibilbidean

jadanik zenbat pasarte,

erori, altxa, zikindu eta

jolastuz nekatu arte,

eskailerak gora eta behera

denek a ze borondate,

bidean oztopoen gainetik

aurrera egin dezute.

Batzutan alai egonda eta

beste zenbaitetan triste,

ume lasaia nahiz bihurria

degu andereñok maite,

bertako txikienak izanik

zeinen handiak zarete,

zuen irri ta oihuak dira

Iturzaetaren parte

 

1. hiruhilekoan landu ditugun abesti eta olerki batzuk partekatzen ditugu: Hurrengo estekan klik egin.

Abestiak eta kantak

Edo bestela hemen;

 

Gure eskola ibilbidea hasi berri dugu, eta hiruhileko honetan zehar hamaika abentura bizi izan ditugu. Ostiral goiza oso-oso berezia izan zen, aldapa behera abiatu eta Katxapo Haurreskolara joan baikinen, bertako txikiei abestera. Han, Getariako txikienak elkarturik,  hasieran lotsati eta gero bihurri, elkarren ondoan dantzatuz eta jolasten ibili ginen.

Behean argazkitxo batzuk ikus ditzakezue, eta  haurtxo batzuk falta zirenez baita marrazkitxo bat ere, bihotz-bihotzez  andereño denon partez.