Maiatzaren 12an LH5eko ikasleek bisita gidatua egin zuten Xabier Alberdi historialariaren eskutik.

Bisita honetan, eliza barnean sartu ziren ikasleak; elizaren historia –herritarren historia dena- eta elizaren berezitasunen inguruko azalpenak jaso zituzten. Elizak historian zehar izan dituen eraldaketak aipatu zituen Xabierrek eta erdi aroa eta aro modernoan landutakoarekin lotura zuzenak egin zituen. Kripta ikusteko aukera ere izan zuten (Erdi Aroko nekropolia aurkitu zuten lekua) eta induskatutako guneko hilobiak ikusi zituzte.

Eskerri  asko Xabier Alberdiri emandako azalpenengatik eta Getariako udalari herriko ondare historiko hau ezagutzeko aukera emateagatik, luxu bat izan da ikasleentzako!

    

                   Kriptako sarreran                                                     IX.mendeko balearen hezurra                                  

 

            

Kriptako hilobi bat                                                          Hezurrei begira

Bigarren hiruhilekoan “Giza gorputza eta lehen sorospenak” gaia landu genuela aipatu genizuen blogaren bitartez eta baita itsas salbamendukoekin egon ginela. Baina DYAkoen bisita jasotzea falta zitzaigun. Hiruhileko honetan DYAkoak eskolara bertaratzeko aukera zutela aipatu zigutenean ez genuen aukera galdu nahi izan!  

 

Maiatzaren 11an DYA-ko Eneritz , gelara etorri zitzaigun lehen sorospenen inguruan hitz egitera.  Bertan hainbat egoera desberdin aipatu genituen eta sorospenak nola egin beharko liratekeen aipatu zigun. Ondoren suspertze masajea ere egiten erakutsi zigun Eneritzek.  

Mila esker azalpenengatik!  Prest gaude larrialdien aurrean laguntzeko!  

 

Maiatzaren 4ean eta 5ean, goiz pasa ederrak izan genituen. Lehenengo, Kofradian harrera egin ziguten Iñakik, Emeteriok, Juanjok eta Laurak. Getariako aspaldiko argazkiei begira, garai hartako kontuak entzun genituen. 

    

                             

 

Ondoren, itsasontzi batera hurbildu eta hustuketa ikusi genuen zuzenean. 

 

Gero, enkanteak egiten dituzten gelan egon ginen adi-adi, pantailako zenbakiei esanahia bilatu nahian.

Handik arrainen biltegira pasa ginen eta eskuak zikintzeko beldurrik gabe  antxuak garbitu eta etxera eramateko ontzietan sartu genituen.   

      

Hamaiketakoaz gozatu bitartean moilara hurbildu ginen eta Juanjoren aholkuak jarraituz, arrantzan saiatu ginen, eta ikasle batzuk musto txikiak harrapatu zituzten! 

        

Herriari, itsasoari eta arrantzari buruz ikasi eta antxuak etxerako, gainera. Ez da plan txarra!!! 

 

Azken proiektuari amaiera emateko, Etxaniz txakolindegian, Iñaki Txuekaren eskutik bisita gidatua burutu genuen.   

Gelan landutako hiru sektoreak bertatik bertara azaldu zizkigun: 

1.Sektorea: mahatsondoen zainketa eta mahats bilketa.

          

2. Sektorea: Hondarribi izeneko mahats zuri eta beltzaz txakolindegia ekoiztea. 

 

3. Sektorea: salmenta eta banaketa hainbat herrialdetan. 

Bukatzeko, hamaiketako ere eskaini zigun. Bapo geratu ginen eta, eguraldia lagun, gogoz ekin genion bueltako bideari. Eskerrik asko, Iñaki, eskainitako arretarengatik.   

“Giza gorputza eta lehen sorospenak” proiektua lantzean, Itsas Salbamentukoengana hurbildu ginen eta gauza berri asko ikasi genituen haiekin aurrez aurre. 

Materiala eta eraikina bera erakusteaz gain, erreskateak nola egiten dituzten ikusi genuen bideoetan. 

Gainera, anbulantzia barrutik ikusi eta hainbat praktika egin genituen. 

Bukatzeko, lantxetan itsasoan  buelta bat emateko aukera ere luzatu ziguten.   

Goiz pasa aberatsa izan genuen. Mila esker! 

    

Gorputz Hezkuntzako saioetan hainbat proiektu landu ditugu: talde kohesiorako jolasak, atletismoa, TAG-Errugbia eta orain proiektu berrian murgilduta gaude: Betiko jolasak edo Jolas tradizionalak.

Etxean galdetu ondoren, gelako lan taldeak aprobetxatuz, jolas tradizionalen zerrenda egin dugu eta Getaiko zein beste herrialdeetako (Errumania, Argentina, Mexiko…) jolasen bilduma osatu dugu: 

-Bat, bi, hiru lau…1,2,3,4!

-Soka saltoan

-Poli-kako

-Txapa kale

-Kaniketan

-Txorro-morro-piko-tallo-ke

-Zapizka…

Astero talde bakoitzak  aukeraketa egiten du eta jolas horietan ibiltzen gara. Oraindik jolas batzuk falta zaizkigu egiteko eta datozen asteetan zehar gure berri izango duzue Getaiko kaleetan barrena, “Tocatimbres-ean” ibiliko gara!

Ez dakigu benetako jolas tradizionala ote den edo Getaiko “bihurrikeria tradizionala”. Barkatu eragozpenak, guk behintzat abisua pasa dugu!

Gora betiko jolasak!

   

Aurten ere 5. mailako ikasleek Azterkostan parte hartu dugu.  Ingurune naturala ezagutaraztea eta pertsonek inguru horretan dugun eragina aztertzea da programa horren helburua. Horretarako Getariako kostaldeko ekosistema aztertu genuen, laginak hartu eta analisiak eginez, Malkorben, moilan eta Gaztetapen. 

Zorionez, nahiko balore onargarriak lortu genituen. Jarrai dezagun itsasertza zaintzen! 

                

Ekosistema proiektuaren baitan ingurumena zaintzeko eta babesteko kontzientziatuko gaituen erronka honetan hartuko dugu parte beste ikastetxe askok bezala. Modu atsegin eta ezberdin batean hainbat kontzeptu ikasten ari dira Farmer Fish erronkarekin: bioekonomia zirkularra, oreka biologikoa, jasangarritasuna, ekologia, lurrik gabeko landare-laboreak, eraginkortasun energetikoa eta uraren kudeaketa jasangarria.  

Hauek dira errokaren faseak:  

• Bioekonomia zirkularrari buruzko tailer birtualean parte hartu. 
• Muntatu eta egokitu gelan ikastetxeak jasotako Farmer Fish Kit-a 

• Datuak jaso eta astero bere bilakaerari buruzko argazki bat hartu  
• Bidali emaitzak eta parte hartu “Farmer Fish Challenge” delakoan 

 

Gelan ditugu Asterix eta Obelix 5 B gelan eta Itur eta Izar 5 An. Ea gai garen karpa horiek ondo zaintzeko. Arrainei jaten emanez eta bidali diguten sistemari esker soilik hazten dira landareak, Bioekonomia zirkularreko ekosistema txiki honetan modu naturalean sortzen diren mantenugaiak aprobetxatuz. 

Ea ba gainditzen dugun erronka!!! 

   

Iraileko eguraldi onak aprobetxatuz, 5.mailako ikasleek surf ikastaroa egiteko aukera izan zuten arratsaldez. 5B gelakoek irailaren 19-26 bitartera egin dute ikastaroa eta 5Akoek aldiz urriaren 3tik 14ra. 

Surfa egiteko beharrezko teknikak ikasteaz gain, itsasoaz , hondartzaz eta talde giro bikainaz gozatzeko aukera izan zuten.  

Hona hemen surf ikastaroan ateratako argazkitxo batzuk. 

 

Bi urtez zinemaldi   ra joan gabe egon eta gero, aurtengoa ederki gozatu genuen. Irailaren 22an Donostiako Belodromora joateko aukera izan genuen, “Terra Willy: planeta ezezaguna” filma ikustera. Filma ikusi aurretik Euskal Herriko Unibertsitateko Robotikako ikerketa taldearen bisita izan genuen eta belodromoan robotekin egiten duten lana erakutsi ziguten.    

Gainera, beraiek sortutako “Peper” izeneko robota ere ekarri zuten eszenatokira. Pepperren eszenaratzeak harritu egin gintuen bertan ginen oro, eta robotaren trebetasun guztiak zuzenean egiaztatu ahal izan genituen: hitz egin, gizaki gisa mugitu, eta modako abestien erritmora dantzatu zuen.  

Filma entretenigarria izan zen eta gustura aritu ginen Willy eta bere lagun  robotaren abenturak ikusten.  

Belodromotik atera ondoren Zarautzera joan ginen autobusez. Ekosistemako gaian murgilduta gaudenez, Zarautzeko biotopotik ibilalditxo bat egin genuen bertako animalia eta landareak ikusiz.  Argiñano pareko skate parkearen inguruan bazkaldu eta jolasten ibili ondoren, berriz ere paseo ederra egin genuen Getariaraino kostatik. 

Egun ederra pasa genuen!