LH6

HEZIKETA FISIKOA

Iturzaeta

Konturatzerako ikasturtea bukatu zaigu eta Heziketa Fisiko arloan topera aritu gara!

Irailean ikasturtea ondo-ondo hasteko jolas kooperatibo eta talde kohesiorako jolasetan ibili ginen, atletismoko proba ezberdinak gainditu genituen eta kirol alternatibo berriak asmatu: 

  • Saski Fut
  • Rakbat
  • Patiball
  • Saski Jo
  • Esku Txapa Kale
  • Fuausa
  • Saski Futbola
  • Tatchkabool
  • Sakbaal

Artistak!! Izerdi ederra bota zenuten “Euskal pentatloi propioan” eta orain bukaeran,  multikiroletan aritzeko aukera paregabea izan duzue. Eskerrik asko guztioi zuen inplikazioagatik!! Saio ederrak prestatu dituzue: Julen-Aimar eta Anartz-Seyna Judokoa, Ander Kenpo Kaikoa eta Raluca Balleta.

Hemendik aurrera ere segi kirolaz gozatzen!!

BIDEOA

Primary 6 collaborating with students from Kiev, Ukraine
LH6 · Sailkatu gabea

Primary 6 collaborating with students from Kiev, Ukraine

Iturzaeta

Hiruhileko honetan Kieveko Midgard eskolako ikasleekin elkarlanean aritu gara ingelesez. Elkarri gure buruak aurkeztu dizkiegu lehenengo: gure zaletasunak, gure herria nolakoa den, gure etorkizunerako gogoak eta abar. Haienak oso gustura irakurri genituen eta aste honetan elkarri kahott galdeketak prestatu dizkiegu “Endangered Animals” gaiaren inguruan. Oso esperientzia aberasgarria izaten ari da eta gogotsu gaude datorren asteko bideo-deirako!

Sailkatu gabea

INGELES BARNETEGIA: 3. EGUNA

Iturzaeta

Hasierako urduritasuna eta emozioak baretuta, askoz lasaiagoak dira orain gauak eta erderki egiten dugu lo guztiok!

Eskulanak egiten pasa dugu goiza.

Lentejak eta hanburgesa bazkaltzeko. Nahiko gustura gehienak.

Ondoren, Añanako gatzagara egin dugu irteera. Euri langarra egin arren, gure ondarea ezagutzeko aukera bikaina!

Afaltzeko arroza eta “rollitos de primavera”.

Ondoren disko festa….  

LH6

INGELES BARNETEGIA: 2. EGUNA

Iturzaeta

Urduritasuna eta emozioa gainezka…

Egun zoragarria gaurkoa, haize freskoa eta eguzki goxoa, kanpoko ekintzetarako zoragarria.

 

Gaur ere primerako menua! Makarroiak  eta arraina bazkaltzeko, eta zopa eta oilasko hegoak patata frijituekin afaltzeko. Oso janari goxoa!!!

Denbora libre guztia futbolean jo eta su! Gutxi batzuk lasaiago, hizketan edo kartetan.

Ataundarrak eta getariarrak gustura gabiltza elkarrekin, oso rollo onean.

Lanerako tarteari ere etekina ateratzen diogu. Ea gustatzen zaizkizuen sortu ditugun herrialde ekologikoen irudiak. 

 

 

Bukatzeko, bideo bat. Bihar arte!!!

LH6

INGELES BARNETEGIA: LEHENENGO EGUNA

Iturzaeta

Santo Domingora Ataundik barrena etorri gara, kantuan errepertorio zabala izan dugu getariarrek eta ataundarrek, zein baino zein! 

 

     

Iritsi eta logelak antolatzerako bazkaltzeko ordua. Garbantzuak, txorixoa eta haragia saltsarekin. Mixkinenek ere gustura jan dute. 

Arratsaldean ekintza ugari izan ditugu. 

Laidaren urtebetetzea ospatzeko pasta batzuk jan ditugu zorionak abestuz. 

Afaldu ondoren dantza ere egin dugu eta gustura, baina leher eginda bukatu dugu eguna. 

LH6 · Sailkatu gabea

Orokietara egindako irtenaldia

Iturzaeta

Martxoaren 5ean irtenaldia egin genuen LH 6 .  mailakoek Zarauzko Orokieta ikastetxera.

Zumaitik barrena egin genuen Zarautz aldera eta ederki kostata iritsi ginen.

Kattalin, Naia eta Paulak elkarrizketa egin zioten Ainere Tolosari eta bitartean besteok hamaiketakoa egin genuen.

Jolasean bertako 6. mailakoekin ibili ondoren, denok irratira igo ginen eta bakoitzak testutxo bat irakurri genuen.

Bazkaldu ondoren, oinez egin genuen buelta. Ia autobusez baino lehenago iritsi ginen.

 

Han grabatutako audioak entzungai dituzue:

Ur eta Inhar

Mareme, Seyna eta Maia

Malen E, Oihan, A. Olaskoaga eta Anitz

Larra, Malen T., Nahia eta Anartz

Kattalin eta Paula

Julen, Manex, Adur eta Aimar

Haritza, Maddi eta Ralu

Enara, Naia eta Laida

Ander, June eta Intza

LH6

SANTA AGEDA BEZPERA

Iturzaeta

Aurten ere ospatu dugu Santa Ageda bezpera. 

Otsailaren 2an 6. mailako ikasleak Eguneko Zentrora hurbildu ginen eta gelan egindako koplak kantatu genizkien zain-zain zeuden aiton-amonei. 

Entzuteko gogoz zeuden eta betiko abestiak ere kantatu genituen elkarrekin makilak astinduz.           

 

LH6

ELIKAGAIEN XAHUKETA

Iturzaeta

Azaroaren 6an Yolanda etorri zen eskolara ENRAIZA DERECHOS GKEtik. Jolasaren bitartez elikagai-xahuketaren inguruan aritu ginen. Besteak beste, alderdi hauek landu genituen:

  • Elikagaien hondakinak munduan
  • Elikagaiak kontserbatzea
  • Etxeetako hondakinak
  • Erosketa arduratsua
  • Janari-hondakinak ostalaritzan
  • Ura elikagaien ekoizpenean
  • …

Etxean ere jolastu nahi baduzue, aukera izango duzue lotura honetan :

https://view.genial.ly/64a29e919ff17600127a263c

LH6

ALGORRI

Iturzaeta

Zumaiako flyschak ezagutzera irtenaldia egin genuen irailaren 25ean.

Algorri Interpretazio zentruan mineralen tailerra egin genuen bazkaldu aurretik eta bazkaldu ondoren, Algorrira joan ginen.

Bero handia egin zigun eta gustura hartu genuen San Telmo ermitako itzala. Ederki aritu ginen fosilen bila!

 

 

 

 

 

 

 

 

 

 

LH6

KIROL ASTEA

Iturzaeta

Irailaren 18tik 22ra Kirol Astea izan dugu.  

LH6. Mailakook eskalada eta arrauna egin ditugu. 

Eskalada 

Kiroldegiko boulderrean aritu ginen eskaladako oinarrizko ariketak egiten. Hatzak, eskumuturrak eta besoak mindu arte saiatu ginen.  

Eskolaz kanpo ere jarraitu nahi izanez gero, aukera izango dugu ikasturtean zehar. 

Hortxe gure argazkiak!!! 

 

Arrauna 

Getariako Arraun Elkartearen egoitzan bildu ginen arraunerako beharrezko materiala hartzeko. 

Hasieran, nola eseri ere asmatu ezinik ibili baginen ere, lortu genuen, moilan batera eta bestera ibiltzeara eta etorkizuneko patroiak ere ez ditugu urruti, badugu esperantza! 

Begiratu argazkiak eta frogatu!!!