Eskolakoaz gain Sahatsaga parkean ere badugu baratza txiki bat. Ostiralean barazkien lehiaketan parte hartu genuen, baina aurretik baratza ikustera joan ginen, artoa, babarruna, ekilorea… Gustura entzun genituen Nagoreren azalpenak. Zuek ere begiratu hortik pasatzen zareten hurrengoan!

 

 

Lehenengo astea egin dugu; elkar ezagutu eta martxan hasi gara: agendak, nahiak, lanak, arauak, antolaketa, ataria, irteerak… zenbat gauza!

Haize pixka bat hartu eta taldea hobeto ezagutzeko asteazkenean San Antongo mendian izan ginen, hemen Katxapon eta bidean ateratako pare bat argazki.   

 

 

 

Atzo Balenciaga museora bisita izan genuen. Museoko areto ezberdinak bisitatu ondoren, ehungintza tailerra izan genuen! A ze artista kuadrilla!

“Getaria ezagutzen” proiektuari amaiera emateko asmoz, herrian zehar bisita-gidatua antolatu genuen eta gonbidapenak arrakasta izan zuen! Eskerrik asko gerturatu zineten guztioi, oso gustora ibili ginen elkarrekin!

Aste honetan, gure eskolako ikasleek esperientzia berezi eta ahaztezina bizi izan dute: Joseba Otaegi, Kaiaren aita, gure artean izan da, aizkolaritzari buruzko saio bat eskaintzeko. Horrela, “Herri Kirolei buruzko proiektua” behar bezala borobiltzeko aukera izan dugu.

Lehenik eta behin, gelan aurkezpen interesgarri bat eskaini digu eta hainbat kontu ikasi ditugu: aizkolaritzaren jatorria, pagoaren egurra erabiltzen dela, enborraren zabalerak, proba motak, aizkolari erreferenteak eta munduan zehar egiten diren proba ezberdinez mintzatu da. Ondoren, bere tresnak erakutsi dizkigu: aizkorak, txalekoa, enborra eta segurtasun-neurriei buruz ere aritu da.

Baina saioaren zatirik ikusgarriena erakustaldia izan da. Enborra mozten ikusi dugu, indarra, teknika eta kontzentrazioa uztartuz. Ikasleek aizkoran ibiltzeko esperientzia berezi eta aberasgarria bizi izan dute, egurrezko aizkora txikia erabiliz, beraien onena emanda gozatu ederra hartu dute.

Eskerrik asko Joseba zure denbora eta jakinduria gurekin partekatzeagatik! Zorterik onena opa dizugu ekainaren 8ko finalean!

 

 

 

 

 

 

 

 

 

 

                     

 

Klikatu hemen argazkiak ikusteko

 

 

Ostiralean, Monika etorri zitzaigun liburuaren astearen barruan “Munstro Urdina”  irakurtzera. Eskerrik asko gelara etortzeagaitik eta ipuina gurekin konpartitzeagaitik, oso gustora egon ginen. Milesker Monika!                                                           

Eguraldia guztiz gure alde ez egon arren 2 egun eder pasa genituen Txurrukan, ikasleak oso gustora ibili ziren, errepikatzeko gogoz.

Aurreko ostiralean, martxoak 28an, egun pasa ederra egin genuen Iturraranen. Inguruan ezagutzeaz gain ogia egiteko aukera izan genuen eta errota ere bixitatu genuen.  Ondoren, elkarrekin bazkaldu eta jolasean aritu ginen.

Otsailaren 28an ospatu genuen aurtengo Inauteri festa! Eskola kirolariez bete genuen eta gu, gimnastak izan ginen!

Goiz pasa polita izan zen, dantzaz eta jokuz beteak!