Egun berezia ospatu dugu gaur Eskolan. Neguko oporren atarian, Zanbuka Guraso Elkartekoak etorri zaizkigu bisitan eta txistor mokaduak prestatu dizkigute guztiontzat, eskerrik asko!
Ondoren, eta aterunea aprobetxatuz, herriko txokoak kantuz alaitzera atera gara kalera.
Iritsi dira oporrak eta agurtu aurretik, eskerrak eman nahi dizkizuegu. Eskerrik asko urtez urte Iturzaeta Hezkuntza Komunitateko parte izateagatik; zuekin, elkarrekin osatzen dugulako familia handi hau. 2025.urtea ere elkarrekin ospatzeko aukera izan dezagula. Goxatu ondoan dituzuenak eta Urte Berri On!
