Pasa den ikasturtean Elkanoren mundu biraren 500.urteurrena ospatu genuen eta ondorioz, Elkano Fundaziotik honako proposamena jaso eta Txileko Punta Arenas zonaldeko eskola bateko (Escuela Pedro Sarmiento Gamboa) ikasleekin harremanetan jarri ginen postal bidez.

Beraz, iazko ikasturtean 3.mailan zeuden ikasleek postaletako testuak idatzi zituzten, eta hauek apaintzeaz edo postalaren marrazkia egiteaz iazko 2.mailakoak arduratu ziren.

Udararen bueltan, orain irailean, hango ikasleen erantzunak jaso ditugu eskolan eta ikasleak asko poztu dira eta oso gustura ibili dira idatzi dizkieten erantzunak irakurtzen.