Etapa horretako helburu nagusia norbanakoaren garapen integrala lortzea da.
HEZKUNTZA ESKAINTZA:
Proiektuak
Lehen Hezkuntzan proiektu bidezko ikaskuntzaren ikuspegia jarraitzen dugu Natur eta Gizarte Zientziak lantzeko. Ikasleen hurbileko gaiak hautatzen dira, adin bakoitzari dagozkionak eta herriko testuinguruan kokatuak: jaiotza, arrantza eta arrainak, jatetxeek nola lan egiten duten, elikadura osasuntsua, ekosistemak, dendak, herriko, Gipuzkoako zein Euskal Herriko historia… Esperimentazioa eta haurren parte-hartze aktiboa sustatzen ditugu.
IKT
Teknologia berriak erabiltzen ikasten ari gara konpetentzia digitala garatzeko. Ondorengo esparruak hartzen ditugu kontuan: informazioaren trataera, komunikazioa, sormena, segurtasuna eta arazoak konpontzea.
- LH-IKT
bizikidetza
Iturzaeta Eskolan, badugu hezkuntza komunitatearen parte-hartzea bultzatzeko organo berezi bat. Bizikidetza Behatokia deitzen diogu eta bertan, LH-ko ikasgela bakoitzeko ordezkari bana, Zanbuka Guraso Elkarteko ordezkaria, Udaleko hezkuntza zinegotzia, Eskolako Zuzendaritza eta Behatokiko koordinatzailea biltzen gara. Bizikidetza eta ingurugiro jasangarria bezalako gaiak lantzen ditugu.
BESTEAK
Eguneroko jarduerez gain, ondorengo ekintzak ere aipagarri ditugu: irristaketa, surf, arrauna,… ikastaroak jasotzen ditugu; Balentziaga museoko tailerretan parte hartzen dugu; irakurketa lantzeko hainbat dinamika ditugu: irakurlagun, bikoteka irakurtzen, binaka irakurtzen, irakurketa ozena, tertuliak…